Қазақ ұлттық қыздар педагогикалық университеті 1944 жылы негізі қаланған
- Қаз
  - Қаз
  - Рус
  - Eng

Ақпараттық технологиялар және кітапхана ісі кафедрасы

Білім беру
2007 жылдың 1 қыркүйегінен бастап Қазақ ұлттық қыздар педагогикалық университетінің Физика-математика факультетінің базасында «Ақпараттық жүйелерді оқыту» кафедрасы құрылды. 2016 жылдың 1 қыркүйегінен бастап оқытудың жаңа стандарттарын енгізу мен оқыту бағытының өзгеруіне байланысты кафедра «Ақпараттық технологиялар» кафедрасы болып өзгертілді. Қазіргі жұмыс істеп тұрған «Ақпараттық технологиялар және кітапхана ісі» кафедрасы 2022 жылдың 1 қазанынан бастап қайта құрылып, білім беру бағдарламасының көшбасшысы ретінде аға оқытушы К.А. Калымова тағайындалды.

2007-2012 жылдары кафедраның бірінші меңгерушісі педагогика ғылымдарының докторы Н.Н. Керімбаев болған.

2012-2016 жылдары кафедра меңгерушісі болып физика-математика ғылымдарының кандидаты, қауымдастырылған профессор Ж.Ж. Қожамқұлова қызмет атқарды.

2016-2018 жылдары кафедра меңгерушісі PhD докторы, ХАА академигі – А.А. Досжанова болды.

2018 жылдан бастап бұл лауазымды техника ғылымдарының кандидаты, аға оқытушы Қ.Е. Тұрғанбай атқарды.

Кафедра келесі білім беру бағдарламалары бойынша кадрлар даярлайды:
- 6В06102 - «Ақпараттық жүйелер»;
- 6В06101 - «Цифрлық аналитикалық білім беру жүйелерін жобалау»;
- 7М06101 - «Ақпараттық жүйелер»;
- 6В03201 - «Кітапхана ісі».
2016 жылдан бастап университетіміздің 2 курс студенттеріне жалпы білім беру бағдарламасына сәйкес «Ақпараттық-коммуникациялық технологиялар» пәнін кафедраның профессор-оқытушылары ағылшын тілінде дәріс береді.

Кафедра оқытушыларының жетекшілігімен бірқатар студенттік ғылыми-зерттеу жұмыстары жүргізілді, олардың нәтижелері әртүрлі деңгейдегі жас ғалымдардың конференцияларында ұсынылды (жеңімпаздар мен қатысушылардың жинақтары, сертификаттары мен дипломдары бар). Кафедра оқытушылары әр түрлі қызмет салаларында, Қазақстанның мемлекеттік мекемелерінде және одан тыс жерлерде бәсекеге қабілетті білімі, іскерлігі мен кәсіби дағдылары бар жаңа буынның жоғары білікті мамандарын даярлауға өз үлестерін қосу мақсатында өздерінің біліктілік деңгейін үнемі арттырып отырады.

2012 жылдан бастап кафедра студенттерінің академиялық ұтқырлық бағдарламасы бойынша басқа жоғары оқу орындарында оқу мүмкіндігі бар. 2012-2013 оқу жылында студенттер академиялық ұтқырлық бағдарламасы бойынша 1 семестр Лондон Менеджмент және Ғылым Академиясында (Ұлыбритания) оқыды. 2016 жылы Люблин Политехникалық Университетімен өзара ынтымақтастық туралы Меморандумға қол қойылды.

Миссисипи алқабы мемлекеттік университетімен жасасқан келісімшарт негізінде кафедра аға оқытушысы Сабит Ботакөз 2014-2015 оқу жылында магистратура оқу кезіңде академиялық ұтқырлық бағдарламасы бойынша АҚШ-та білім алып келді және 2015-2016 оқу жылында қос дипломды бағдарлама бойынша аталмыш жоғары оқу орнында білімін жалғастырып, қос диплом иегері болды.

Кафедраның ғылыми қызметі іргелі және қолданбалы ғылыми-зерттеу жұмыстар, сондай-ақ эксперименттік әзірлемелер нысанында жыл сайын бекітілетін жоспарға сәйкес жүргізіледі. Кафедраның К.Е. Тұрғанбай, О.А. Әуелбеков, Т.С. Қартбаев секілді профессор-оқытушылық құрамының жұмыстары алыс және жақын шет елдерде өткізілген халықаралық конференцияларда ұсынылды.

Қазіргі уақытта кафедра алдында тұрған негізгі мақсат - озық инновациялық технологиялардың талаптарымен ұштастыра отырып, болашақ маманға қажетті кәсіби және жеке қасиеттерді, дағдыларды қалыптастыру және дамыту негізінде ақпараттық-телекоммуникациялық технологиялар саласындағы білікті, бәсекеге қабілетті мамандарды кешенді және сапалы даярлауды қамтамасыз ету.

Байланыстар

Call-center: +7 727 237 00 86
Қабылдау комиссиясы: +7 727 237 00 89
Канцелярия: +7 (727) 233-18-45
Email: info@qyzpu.edu.kz
Адрес: Алматы қ, Гоголя к-сі, 114 к1
Қоғамдық қабылдау
Комплаенс қызметі
© Қазақ ұлттық қыздар педагогикалық университеті, 2023