Инклюзивті және арнайы білім беру дамыту орталығы
-
Мақсаты:
Ерекше білім беру қажеттіліктері бар балаларға инклюзивті білім беруді жүзеге асыратын ЖОО оқытушыларына, педагогтарға әдістемелік көмек көрсету; инклюзивті білім беруді дамыту бағытында педагогтар мен мұғалімдердің, білім беру ұйымының тәрбиешілерінің тәжірибе алмасуын ұйымдастыру; инклюзивті білім беруді жүзеге асыруда оқытушылар мен педагогтарға ақпараттық-консультациялық көмек көрсету; инклюзивті білім беруді жүзеге асырудың әртүрлі бағыттары бойынша ғылыми-әдістемелік ұсынымдар әзірлеу.
Міндеттері:
Жоғарыда көрсетілген мақсат негізінде:
- ЖОО-да ЕББҚ бар білім алушыларды оқу-әдістемелік қолдау (ЕББҚ бар білім алушыларға арналған ресурстық-кеңес беру сыныбы жұмыс жасайды);
- ЖОО- ның оқытушыларына соның ішінде педагог психологтарға, арнайы педагогтарға, әлеуметтік педагогтарға біліктілікті арттыру курстары өткізіледі;
- Уақтылы ерте көмек көрсету мақсатында ЕББҚ бар балаларға арналған түзете-дамыту сабақтары жүргізіледі;
- “Бірге жылырақ” атты ата-аналар клубы ЕББҚ бар балалардың ата-аналарына кеңес беру қызметін атқарады.
Қызмет бағыттары:
Аналитикалық қызмет
- инклюзивті білім беру саласындағы білім беру жүйесі қызметкерлерінің кәсіби және ақпараттық қажеттіліктерін анықтау;
- ерекше білім беру қажеттіліктері бар білім алушылармен педагогикалық жұмыс тәжірибесін анықтау, жинақтау және тарату;
Ақпараттық қызмет
- инклюзивті білім беру негіздері бойынша педагогикалық ақпарат базасын (нормативтік-құқықтық, ғылыми-әдістемелік, әдістемелік және т. б.) қалыптастыру;
- жалпы білім беру ұйымдарындағы педагогтар мен басшы қызметкерлерін инклюзивті білім беру саласындағы білім беру ұйымдарымен және педагогтардың тәжірибесімен таныстыру;
- инклюзивті және арнайы білім беруді дамыту орталығындағы іске асырылып жатқан қызмет бағыттары мен жұмыс нәтижелері туралы педагогтар мен ата- аналар қауымын хабардар ету.
Ұйымдастырушылық-әдістемелік қызмет
- ЕББҚ бар балалардың оқыту жүйесін дамыту бағыттары бойынша педагогтар мен басшылық қызметкерлерге әдістемелік қолдау және тәжірибелік көмек көрсету;
- жалпы білім беру ортасында ЕББҚ бар балаларды оқытуды әдістемелік сүйемелдеу;
- ЕББҚ бар білім алушылар мен балаларды оқыту мәселелері бойынша ғылыми-практикалық семинарлар, конференциялар, педагогикалық оқулар, дөңгелек үстелдер ұйымдастыру және өткізу;
- инклюзивті білім беру мәселесі бойынша жұмыс істейтін әр түрлі ұйымдармен, қызметтік байланыстарын орната отырып, тәжірибе мен ақпарат алмасуды қамтамасыз ету;
Кеңес беру қызметі
- білім беру қызметкерлеріне, ата-аналар қауымына ЕББҚ бар балаларды дамыту, оқыту және тәрбиелеу мәселелері бойынша кеңес беру қызметтерін көрсету.
Инклюзивті және арнайы білім беру дамыту орталығы
