Академиялық ұтқырлық
-
Халықаралық ынтымақтастық
-
Халықаралық ынтымақтастық аясында Қазақ Ұлттық Қыздар Педагогикалық Университеті академиялық ұтқырлық бағдарламасы сәтті жүзеге асырылуда.
Академиялық ұтқырлық дегеніміз не?
Студенттің академиялық ұтқырлығы - білім алушыны белгілі бір академиялық кезеңге (семестрге немесе оқу жылына) оқуға немесе зерттеуге басқа ЖОО-ға (ішкі немесе шетелде) ауыстыру, алынған білім беру бағдарламаларын міндетті түрде басқа жоғары оқу орнында жалғастыру.
Академиялық ұтқырлықтың басты мақсаты
Академиялық ұтқырлықтың басты мақсаты - халықаралық стандарттарға сәйкес қазақстандық жоғары білімнің сапасын қамтамасыз ету, оның бәсекеге қабілеттілігін арттыру.
Академиялық ұтқырлық бағдарламасының қандай артықшылықтары бар?
Бұл бағдарлама шетелдік серіктес жоғары оқу орындарында студенттер мен оқытушылардың оқуына және ғылыми іс-шараларын жүзеге асыруға мүмкіндік береді. Академиялық ұтқырлық бағдарламасы шектеулі мерзімге, әдетте семестрге немесе оқу жылына арналған.
Ұтқырлық бағдарламаларына қатысу студенттерге бірқатар перспективалық мүмкіндіктер мен артықшылықтар береді:
- ғылыми және білім беру саласында баға жетпес халықаралық тәжірибе алуға;
- кәсіби білім мен практикалық дағдыларды кеңейту;
- пайдалы тілдік тәжірибеден өту;
- халықаралық мәдениаралық топта сабақ беру және қарым-қатынас жасау тәжірибесін алу.
Академиялық ұтқырлық бағдарламасына қатысу үшін құжаттар тізімі:
- студенттің өтініші;
- оқу туралы келісім;
- төлқұжат көшірмесі;
- ағымдағы транскрипт (университеттің ресми мөрімен куәландырылған);
- жеке оқу жоспары (ЖОЖ, университеттің ресми мөрімен куәландырылған);
- сертификат, IELTS, TOEFL, HSK, т.б. (шет тілін білу);
- ұсыныс хат (магистранттар үшін).
Үміткерлерге қойылатын талаптар:
- өтініш беру кезінде студент 1 семестрді бітіруі керек (бакалавриат және магистратура);
- тілдің тиісті деңгейіне ие болу (ағылшын, француз, неміс, түрік, орыс және т.б.);
- GPA 3,0 немесе одан жоғары болуы керек.
