Филология институты
-
Білім беру
-
Құрметті достар! Қазақ Ұлттық Қыздар Педагогикалық Университетінің Филология институтына қош келдіңіздер!
Біздің институтта үлкен тәжірибесі, көпжылдық зерттеу дәстүрлері, сапалы білім беру, мәдени даму, ғылым мен тәжірибе бірлігі сияқты басымдықтары бар беделді ғылыми мектептер мен кафедралар бар. Біз мемлекет басшысының ұсыныстарын жүзеге асыратын, жарқын болашақ туралы батыл идеяларды өмірге әкелетін, Отанға деген сүйіспеншілігі шексіз, зердесі терең, өз ісінің кәсіби маманы, бала бойында білім нәрін себетін, адамгершілік дәнін егетін басты тұлға - ұстаздарды дайындаймыз.
Тарихы бай Филология институты - Республикамыз үшін нағыз ғылыми-педагогикалық кадрларының ұстаханасы. Біздің институт Қазақстан Республикасының еңбек сіңірген ұстаздары, қоғам қайраткерлері, белгілі ақын-жазушылар бар даңқты түлектерімен мақтанады: Рафика Нұртазина, Үшкөлтай Суханбердина, Айгүл Исмакова, Ақұштап Бақтыгереева , Әлия Бөпежанова, Әсия Беркенова, Асылы Османов т.б. Бүгінде түлектеріміз кең байтақ еліміздің түкпір-түкпірінде еңбек етіп, жас ұрпақты тәрбиелеуге өз үлестерін қосуда. Түлектеріміз ғылым мен білім жүйесінде (жоғары оқу орындары, колледждер, мектептер, ғылыми институттар), баспасөзде (газет-журнал редакциялары, радио және теледидар), барлық профильдегі отандық және шетелдік компанияларда, мемлекеттік қызметтерде зор сұранысқа ие.
Институтта 6 кафедра және 1 орталық бар. Бакалавриат, магистратура және докторантура деңгейлері соңғы білім беру бағдарламаларымен қамтылған, лингафондық кабинеттер мен аудармашыға арналған бөлмелер жұмыс жасайды. Профессор-оқытушылар құрамы жоғары білікті мамандардан тұрады, оның ішінде 9 ғылым докторы, 35 ғылым кандидаты, 13 PhD докторы, 43 аға оқытушы, 14 магистр бар. Институтта шетелдік оқытушылар мен жетекші ғалымдардан білім алу мүмкіндігі жақсы жолға қойылғын: Lakisha Edwards (English Language Fellow & Sydney Maddox, Fulbright English Teaching Assistant, USA), James Harland (England, Cambridge & Oxford), Marisol Richmond (Fulbright Language Fellow, USA), PhD доктор Safa Celebi (Түркия) және т.б. Біз шетелдік университеттердің оқытушыларымен ынтымақтастыққа әрқашан ашықпыз, осыған орай оқу жылы бойына шетелдік оқытушылар шақырылып, ағылшын тілінде дәріс оқытылады. Осындай тәжірибенің арқасында студенттер шет тілінде сөйлесу тәжірибесін жетілдіріп қана қоймай, сонымен қатар шетелдік тәжірибеден тиісті білім алады.
Академиялық ұтқырлық және қос дипломды білім беру бағдарламалары біздің студенттерге әлемнің жетекші университеттерінде білім алуға мүмкіндіктер береді: Миссисипи алқабының мемлекеттік университеті, Литва университеті, Катовицедегі Силезия университеті (Польша), Хубэй университеті (Қытай), Нийде Омер Халисдемир университеті (Түркия), Ондокуз Майыс университеті (Түркия), Гази университеті, Анкара Хаджи Байрам Вели университеті, Анадолу университеті, Қазан (Еділ өңірі) Федералдық университеті (Ресей Федерациясы) және т.б. университеттер.
«Академиялық жазылым және тіл» орталығында ағылшын, кәріс, парсы, қытай, түрік және басқа да тілдер оқытылады. «IELTS-ке дайындық» курсын Принц Аньянву (UYO), «Speaking Club» Кевин Харрис (АҚШ) жүргізеді. Филология институтында сонымен қатар студенттік ғылыми-әдістемелік мектептер мен үйірмелер ұйымдастырылған: «Ізденіс» ғылыми үйірмесі, «Ғылымға қадам» ғылыми-әдістемелік мектебі, «45 минут» ғылыми-әдістемелік мектебі, «Назқоңыр» үйірмесі, «Smart-PhiloloG» - лингвистикалық ғылыми үйірмесі, «Тұмар» студенттік театры мен орыс тілін сүйетіндерге арналған клуб.
Институтта диссертацияларды қорғау және салалар бойынша философия докторы (Ph.D) дәрежесін беру үшін екі Диссертациялық Кеңес жұмыс жасайды. Олар - «6D011900 (8D01703) Шетел тілі: екі шет тілі»; «6D011700 – Қазақ тілі мен әдебиеті», (8D01701); «6D020500 – Филология» (8D02301). Американың Қазақстандағы дипломатиялық миссиясының Баспасөз, мәдениет және білім департаменті көмегімен ұйымдастырылып отырған «Academic writing» жобасы индекстелген шетелдік ғылыми журналдарға мақалалар дайындауға бағытталған.
Қазақ ұлттық қыздар педагогикалық университетінің Филология институты түлектеріміздің қашанда туған елінің гүлденуі жолында еңбек ететініне сенеміз. Біз тіл үйренуге қабілетті, әдеби шығармашылыққа ұмтылатын, ізденімпаз, талантты жастарды күтеміз.
Біз сізге сенеміз, бізге де сеніңіз!
Кафедралары
Байланыстар
-
Ашинова Кунипа Ахатқызы
Филология институтының директоры, Филология ғылымдарының кандидаты, доцент
-
Тоқмырзаева Ақбота Жақсылыққызы
Филология институты директорының оқу ісі жөніндегі орынбасары, PhD.
-
Ақынова Жібек Мұхтарқызы
Филология институты директорының әлеуметтік-тәрбие жұмысы жөніндегі орынбасары, PhD.
