Топ-менеджмент

    • Біз туралы

        • Қанай Гүлмира Әмірханқызы
          • Қанай Гүлмира Әмірханқызы

          • Басқарма төрағасы – Ректор

            Жеке қабылдау: бейсенбі 15.00-ден 17.00-ге дейін
            Кабинет: Бас оқу ғимараты, №107 кабинет 
            Қабылдау бөлмесі:  +7 (727) 2 33-18-36, ішкі: 40-02

          • Ректор блогы
        Қанай Гүлмира Әмірханқызы

        Гүлмира Қанай өзінің кәсіби жолын Қазақстанның жоғарғы оқу орындарында тәлімгерлік пен әкімшілік қызметтерден бастаған.

        2019 жылы Талап стипендиялық бағдарламасымен Кембридж университетінің Білім беру факультетінде (Ұлыбритания) Білім саласындағы философия докторы дәрежесін қорғады. Д-р Қанайдың докторлық диссертациясы «Қазақстан мектептерінде ұстаз көшбасшылығын дамыту» мәселесіне арналған. Г. Қанайдың зерттеулері халықаралық және жергілікті журналдарда жарық көрді.

        БІЛІМІ:

        • Білім саласындағы философия ғылымдарының докторы (PhD), Кембридж университеті, (Ұлыбритания);
        • Білім саласындағы көшбасшылық пен менеджмент магистрі (үздік), Ворвик университеті, (Ұлыбритания);
        • Аударма ісі магистрі (үздік), Абылай хан атындағы Қазақ Халықаралық қатынастар және әлем тілдері университеті, (Қазақстан);
        • Лингвист: ағылшын тілі мұғалімі, бакалавр дәрежесі (үздік), Абылай хан атындағы Қазақ Халықаралық қатынастар және әлем тілдері университеті, (Қазақстан).

        ҰЙЫМДАРҒА МҮШЕЛІГІ ЖӘНЕ ҚОҒАМДЫҚ ҚЫЗМЕТІ:

        • Халықаралық кәсіби даму қауымдастығының мүшесі (IPDA), (Ұлыбритания);
        • Қазақстан Білім беру саласындағы зерттеу қоғамдастығының мүшесі (KERA), (Қазақстан);
        • Америка Білім беру саласындағы зерттеу қоғамдастығының мүшесі (AERA), (АҚШ);
        • Кембридж университеті Қазақ қоғамдастығының президенті (2017-2018), (Ұлыбритания).

        ЗЕРТТЕУ АЯСЫ:

        • Мектептегі көшбасшылық және менеджмент
        • Ұстаздардың көшбасшылығы және кәсіби дамуы
        • Ұйым ішіндегі кәсіби оқыту
        • Мектепті қаржыландыру
        • Әлеуметтік әділеттілік 

         ЗЕРТТЕУ ЖОБАСЫ (ЛАРЫ):

        • «Қазақстан ұстаздарының көшбасшылығы» бастамасы –  Зерттеу тобының жетекшісі;
        • «Жан басына қаржыландырудың Қазақстан мектептеріне енгізілуі», Назарбаев университеті Жоғары білім беру мектебі – Зерттеу тобының мүшесі;
        • «Қазақстандағы COVID 19 уақытында білімге тең қолжетімділік: тәжірибелер, нәтижелер, қиындықтар мен мүмкіндіктер» – Зерттеу тобының мүшесі.

        ОҚЫТУШЫЛЫҚ ТӘЖІРИБЕ:

        Магистратура

        • Кәсіби тұлға (доктор Дүйшон Шаматовпен бірге);
        • Білім беру көшбасшылығына кіріспе (профессор Элейн Шарплинмен бірге);
        • Өндірістік-тағылымдама жобасы (профессор Наурин Дурранимен бірге);
        • Білім берудегі көшбасшылық және мектепті жетілдіру (ELSI) бағдарламасы (доктор Питер Дадлимен бірге).

        Бакалавриат

        • Ағылшын тілі арнайы мақсаттар үшін: халықаралық құқық (3 курс);
        • Ағылшын тілі арнайы мақсаттар үшін: халықаралық қатынастар (4 курс).

        БАСЫЛЫМҒА ШЫҚҚАН МАҚАЛАЛАРЫ:

        КОНФЕРЕНЦИЯЛАРҒА ҚАТЫСУЫ МЕН ҚОНАҚ РЕТІНДЕ БЕРГЕН ДӘРІСТЕРІ:

        • Білім беру саласындағы зерттеулер бойынша Еуропалық конференция (ECER), 2021 жыл, 6-10 қыркүйек, Женева, Швейцария;
        • Азия-Тынық мұхит аймағындағы білім сапасына мониторинг жүргізу желісі (NEQMAP) KIX-EAP хабына арналған вебинар және білім беру мен оқыту саласындағы халықаралық саясатпен ынтымақтастық желісі (NORRAG) 2021, 24 ақпан, Женева, Швейцария;
        • Халықаралық кәсіби даму қауымдастығы (IPDA) онлайн-конференция 2020 жыл, 27-28 қараша, Бирмингем, Ұлыбритания;
        • Халықаралық виртуалдым ұғалімдердің көшбасшылық конференциясы  2020 жыл, 27 маусым, Стивенидж, Ұлыбритания;
        • Кәсіби оқытуға арналған көшбасшылық 2019 жыл, 17-18 маусым, Кембридж, Ұлыбритания;
        • HertsCam желілік жылдық конференциясы 2019 жыл, 22 маусым, Стивенидж, Ұлыбритания;
        • Мюррей Эдвардс колледжінің жыл сайынғы конференциясы, 9 наурыз, Кембридж, Ұлыбритания;
        • Американдық білім беруді зерттеу қауымдастығы, 2018 жыл, 13-17 сәуір, Нью-Йорк, АҚШ;
        • 5-ші Орталық Азия зерттеу форумы, 2018 жыл, 23 наурыз, UCL, Лондон, Ұлыбритания;
        • Білім беру саласындағы зерттеулер бойынша Еуропалық конференция (ECER), 2017 жыл, 21-25 тамыз, Копенгаген, Дания;
        • Джон Дью 100 жылға толуымен байланысты өткізілген конференциясы 2016 жыл, 28 қыркүйек - 1 қазан, Кембридж, Ұлыбритания;
        • Мюррей Эдвардс колледжінің симпозиумы, 2016 жыл,  Кембридж университеті, Ұлыбритания.
        • Сыбанбаева Сабира Ариповна
          • Сыбанбаева Сабира Ариповна

          • Қаржы және экономикалық мәселелер бойынша ректор кеңесшісі 

            Жеке қабылдау: жұма 15.00-ден 17.00-ге дейін
            Кабинет: Бас оқу ғимараты, №116 кабинет
            Email: sybanbayeva.s@qyzpu.edu.kz

        Сыбанбаева Сабира Ариповна

        Позиция: Қаржы-экономикалық мәселелер жөніндегі кеңесші

        Білімі:

        1991 жылы Еңбек Қызыл Ту орденді Қазақ ауыл шаруашылық институты «Бухгалтерлік есеп бойынша экономист» мамандығы бойынша тәмамдаған.

        Марапаттар мен құрметті атақтар:

        • 2016 ж. – Республикалық бюджеттің орындалуын бақылау жөніндегі Есеп комитетінің ведомстволық «Қаржы сақшысы» медалі;
        • 2021 ж. – «Тәуелсіздікке 30 жыл» медалі.

        Сертификаттары:

        • 2016 ж. – Жоғары санатты мемлекеттік аудитор;
        • 2016 ж. – CIFA мемлекеттік аудиторы;
        • 2016 ж. – Мемлекеттік секторда халықаралық бухгалтерлік есеп стандарттары бойынша диплом;
        • 2018 ж. – Білікті аудитор;
        • 2018 ж. – Халықаралық қаржылық есептілік бойынша диплом;
        • 2024 ж. – Салық кеңесшісі;
        • 2025 ж. – Салық аудиторы.

        Еңбек өтілі:

        • 1991–1994 жж. – Алматы облысы, Шелек ауданы, Сюгаты совхозында аға экономист болып жұмыс істеді;
        • 1994–1997 жж. – Алматы облысы жекешелендіру жөніндегі Мемлекеттік комитетінде қаржы-экономикалық бөлімінің бастығы – бас бухгалтер;
        • 1997–1998 жж. – Мемлекеттік мүлік жөніндегі Алматы аумақтық комитетінде қаржы-экономикалық бөлімінің бастығы – бас бухгалтер;
        • 1998–2003 жж. – ҚР Табиғи монополияларды реттеу, бәсекелестікті қорғау және шағын бизнесті қолдау агенттігінде бухгалтерлік есеп және есептілік басқармасының бастығы – бас бухгалтер;
        • 2003–2012 жж. – ҚР Қаржы министрлігі Салық комитетінде басқарма басшысының орынбасары – бас бухгалтер;
        • 2012–2018 жж. – Республикалық бюджеттің орындалуын бақылау жөніндегі Есеп комитетінде бас кеңесші – мемлекеттік аудитор;
        • 2018–2022 жж. – ҚР Президенті Іс Басқармасы Медициналық орталығы ауруханасы РМК Ішкі аудит қызметінің басшысы;
        • 2022–2025 жж. – «Қазақстандық жол-құрылыс институты» АҚ Ішкі аудит қызметінің басшысы;
        • Қазіргі уақытта: Ректордың қаржы-экономикалық мәселелер жөніндегі кеңесшісі.
        • Еркін Шажаұлы Дүсіпов
          • Еркін Шажаұлы Дүсіпов

          • Инфрақұрылымдық даму жөніндегі проректор

            Жеке қабылдау: бейсенбі 15.00-ден 17.00-ге дейін
            Кабинет: Бас оқу ғимараты, 1 қабат, №105 кабинет
            Қабылдау бөлмесі:  +7 (727) 237-00-11 ішкі: 41-48
            Email: dusipov.e@quzpu.edu.kz

        Еркін Шажаұлы Дүсіпов

        Еркін Шажаұлы Дүсіпов – Қазақстанның мемлекет қайраткері, заң ғылымдарының докторы.

        БІЛІМІ:

        • Құқықтану:  С.М. Киров атындағы Қазақ мемлекеттік университеті, Заң  факультеті
        • Экономика: М.Х. Дулати атындағы Тараз мемлекеттік университеті,  Экономика факультеті:

        Еңбек жолы:   

        С.М. Киров атындағы Қазақ мемлекеттік университетінің Азаматтық құқық кафедрасының ассистенті ретінде бастады.

        • 1992-1995 жж. – Әл-Фараби атындағы Қазақ мемлекеттік университетінің Заң факультеті деканының оқу жұмысы жөніндегіорынбасары.
        • 1993-2002 жж. – Әл-Фараби атындағы Қазақ мемлекеттік университетінің Азаматтық құқық кафедрасының аға оқытушысы.
        • 2002-2003 жж. – М.Х. Дулати атындағы Тараз мемлекеттік университетінің  Азаматтық құқық кафедрасының меңгерушісі.
        •  2003-2008 жж. – М.Х. Дулати атындағы Тараз мемлекеттік университетінің Заң факультетінің деканы.
        • 2008-2016 жж. – І. Жансүгіров атындағы Жетісу мемлекеттік университетінің жалпы, экономикалық және өндірістік мәселелер жөніндегі проректор.
        • 2008-2016 жж. – Қазақстан Республикасы Президентінің жанындағы Мемлекеттік басқару академиясының корпоративтік және қаржылық қызмет жөніндегі вице-ректоры.
        • 2023 жылдан бастап қазіргі уақытқа дейін – Қазақ ұлттық қыздар педагогикалық университетінің инфрақұрылымдық даму жөніндегі проректоры.

        ҰЙЫМДАРҒА МҮШЕЛІГІ ЖӘНЕ ҚОҒАМДЫҚ ҚЫЗМЕТІ:

        • ҚР Мәдениет, ақпарат және қоғамдық келісім министрлігінің тапсырмасы бойынша мемлекеттік тілдегі салалық ғылыми терминдердің авторлық ұжымының мүшесі (2002-2006);
        • ҚР Мәдениет және спорт министрлігінің тапсырмасы бойынша қазақ-орыс салалық терминологиялық сөздігінің авторлық ұжымының мүшесі (2012- 2014);
        • «Нұр Отан» партиясының Алматы филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңес төрағасының орынбасары (2009-2016);
        • ҚР Парламенті Мәжілісіне және жергілікті мәслихаттарға депутаттарды сайлау бойынша Талдықорған қаласының №7 сайлау округінің төрағасы (2009-2016);
        • Адвокаттар мен нотариустар лауазымына орналасуға үміткерлерді іріктеу бойынша Алматы облысы Әділет департаменті жанындағы аттестаттау комиссиясының мүшесі (2009-2016);
        • Қырғызстан Республикасы Ош мемлекеттік университетінің докторлық және кандидаттық диссертацияны қорғау жөніндегі мамандандырылған кеңесінің мүшесі (2016).

        ҒЫЛЫМИ АТАҚТАРЫ, ДӘРЕЖЕЛЕРІ, ҚЫЗМЕТІ:

        • Заң ғылымдарының кандидаты, тақырыбы: «Жерге жеке меншік құқығының негіздері» (2002);
        • Доцент (2007);
        • Заң ғылымдарының докторы, тақырыбы: «Қазақстан Республикасында ауылшаруашылық кәсіпкерлігін құқықтық қамтамасыз ету мәселелері» (2009);
        • Профессор (2011).
        • Жұманқұлова Еркін Нұрсағатқызы
          • Жұманқұлова Еркін Нұрсағатқызы

          • Академиялық мәселелер  жөніндегі проректор

            Жеке қабылдау: бейсенбі 15.00-ден 17.00-ге дейін
            Кабинет: Бас оқу ғимараты, №117 кабинет
            Қабылдау бөлмесі: +7 (727) 237-00-13
            Email: zhumankulova.e@qyzpu.edu.kz 

        Жұманқұлова Еркін Нұрсағатқызы

        Позиция: Академиялық мәселелер жөніндегі
        проректор

        +7 727 237 00 12

        Еркін Жұманқұлова – педагогика ғылымдарының кандидаты. 2007 жылы «Девиантты мінез-құлықты балалармен жұмыс істеуге болашақ педагогтардың деонтологиялық дайындығын қалыптастыру» тақырыбы бойынша диссертацияны қорғағаннан кейін «Кәсіптік білім берудің теориясы мен әдістемесі» мамандығы бойынша педагогика ғылымдарының кандидаты ғылыми дәрежесі берілді. 2011 жылы педагогика доценті ғылыми атағы берілді.

        Еркін Жұманқұлова еңбек жолын Павлодар облысының Екібастұз қаласындағы №23 мектепте математика пәнінің мұғалімі ретінде бастаған.

        Әр жылдары колледж оқытушысы, Павлодар қаласындағы «Балаларға арналған баспана» мемлекеттік мекемесінде директордың оқу-тәрбие ісі жөніндегі орынбасары, С. Торайғыров атындағы Павлодар мемлекеттік университетінде филология, журналистика және өнер факультетінің оқытушысы, аға оқытушысы, доцент және деканның орынбасары, Қазақ ұлттық өнер университетінің оқу-әдістемелік қызметінің басшысы, Академиялық мәселелер жөніндегі басшы, ғылыми жұмыс жөніндегі проректор, оқу-әдістемелік жұмыс жөніндегі проректоры болып қызмет атқарды.

        Еркін Жұманқұлова өзінің біліктілігін жүйелі түрде арттырып, ғылыми-практикалық конференцияларға үнемі қатысады.

        Ол «ЖОО үздік оқытушысы – 2009» атағының, Қазақстан Республикасы Тәуелсіздігінің 25 жылдығына арналған мерекелік медальдің, ҚР Білім және ғылым министрлігінің Құрмет грамотасының иегері.

        БІЛІМІ:

        • Орта мектептің физика математика мұғалімі, бакалавр дәрежесі, Павлодар педагогикалық институты, (Қазақстан)
        • Психология, бакалавр дәрежесі, С. Торайғыров атындағы Павлодар мемлекеттік университеті, (Қазақстан)
        • Картбаев Тимур Саатдинович
          • Картбаев Тимур Саатдинович

          • Цифрлық офицер

            Жеке қабылдау: бейсенбі 16.00-ден 18.00-ге дейін 
            Кабинет: Бас оқу ғимараты, №221а кабинет
            Қабылдау бөлмесі:  +7 (727) 237-00-06, ішкі: 42-00
            Email: kartbayev.t@qyzpu.edu.kz

        Картбаев Тимур Саатдинович

        Позиция: Цифрлық офицер

        +7 727 237 41 42

        kartbaev.t@qyzpu.edu.kz

        PhD, қауымдастырылған профессор (ҚР БжҒМ), академиялық профессор, Қ.И.Сәтбаев атындағы Қазақ ұлттық техникалық зерттеу университетінің түлегі, Қазақстан Республикасы ұлттық инженерлік академиясының корреспондент-мүшесі, Халықаралық ақпараттандыру академиясының Академигі, академик Ө.А. Жолдасбеков атындағы стипендия лауреаты, Қазақстан Республикасының «ЖОО үздік оқытушысы – 2018» атағы, Қазақстан Республикасы энергетика министрлігінің «Құрметті энергетик» төсбелгісі, «Электр энергетика саласына қосқан үлесі үшін» медалі, РФ РЖА «Ғылым мен техникаға еңбек сіңірген қайраткер» атағы мен медалі, «Информатика саласындағы табысты кәсіби қызметі үшін» (Бельгия) сапа дипломы мен төсбелгісінің иегері, сонымен қатар өз еңбектері үшін ЖОО-ның құрметті грамоталары мен алғыс хаттарымен марапатталған.  

        Т.С. Картбаев докторантураның толық курсын мерзімінен бұрын аяқтап, Mokhtar Kirane (Франция), Б.С. Ахметов (Қазақстан), А.Ю. Малыгин (Ресей) сияқты атақты профессорлардың жетекшілігінде философия докторы ғылыми дәрежесін алу үшін дайындалған диссертациясын сәтті қорғаған.   

        Әр жылдары "NAOMIS-SERVICE.kz" ЖШС инженер-бағдарламашы, Қ.И. Сәтбаев атындағы Қазақ ұлттық техникалық зерттеу университетінің кафедра инженері, ассистент, оқытушы, аға оқытушы, доценті, ақпараттық және телекоммуникациялық технологиялар институты директорының орынбасары, С.Асфендияров атындағы ҚазҰМУ-нің бағдарламалық қамтамасыз ету секторының меңгерушісі, ақпараттық технологияларды дамыту жөніндегі директордың орынбасары, Дүниежүзілік денсаулық сақтау ұйымының басшысы, Алматы энергетика және байланыс университетінің "IT-инжиниринг" кафедрасының меңгерушісі, басқару жүйелері және ақпараттық технологиялар институтының директоры, Ақпараттық технологиялар институтының директоры, Логистика және көлік академиясының бірінші проректоры лауазымдарында жұмыс атқарды.

        Португалия, Франция, Польша, Тайланд, БАЭ, Ресей, Қырғызстан сияқты шетелдерде тағылымдамалар мен біліктілікті арттыру курстарынан өткен.

        Т.С. Картбаев Бельгияның Брюссель қаласында өткен IBM компаниясының «Best student recognition event – 2012»-тің Қазақстан атынан алғашқы қатысушысы болып, ал 2013 жылы Францияның Монполье қаласында өткен «Best student recognition event 2013» IBM сарапшылары тарапынан шақырылған.  

        2015-2017 жылдар аралығында ҚР БжҒМ БҒСБК «Математика және информатика» секциясы бойынша сараптау кеңесінің мүшесі, ғылыми, ғылыми-техникалық жобалар мен бағдарламаларды жүзеге асыру барысын бақылау бойынша сараптау кеңесінің мүшесі, әл-Фараби атындағы ҚазҰУ, Абай атындағы ҚазҰПУ, Логистика және көлік академиясының диссертациялық кеңестерінің мүшесі. 

        Жарияланған ғылыми-әдістемелік жұмыстардың жалпы саны 120-дан астам, оның 15-нан астамы - Scopus, Elsevier, Web of Science библиографиялық дерекқорларында, 1-оқулық, 3-оқу құралы, 3-монография. Сондай-ақ, ҚР ӘМ авторлық құқық объектісіне құқықтарды мемлекеттік тіркеу туралы көптеген куәліктері бар. Scopusбазасы бойынша Хирш индексі – 3, Web of Science базасы бойынша – 3.

        БІЛІМІ:

        • Информатика бакалавры (үздік диплом), Қ.И. Сәтбаев атындағы Қазақ ұлттық техникалық университеті;
        • 6N0704 – Есептеу техникасы және бағдарламалық қамтамасыз ету мамандығы бойынша магистр, Қ.И. Сәтбаев атындағы Қазақ ұлттық техникалық университеті;
        • 6D070400 – Есептеу техникасы және бағдарламалық қамтамасыз ету мамандығы бойынша PhD (мерзімінен бұрын), Қ.И. Сәтбаев атындағы Қазақ ұлттық техникалық университеті.

        ЗЕРТТЕУ ЖОБАЛАРЫ:

        – 2018-2020ж. – AP05132723 «Ақпараттандырудың аса маңызды объектілерінің киберқауіпсіздігі саласындағы бейімделген сараптамалық жүйелерді әзірлеу» жобасының жетекші ғылыми қызметкері;

        ­– 2013-2015ж. –«Медициналық мекеме үшін электрондық аурулардың биометриялық иесіздендіру жүйесінің ON-LINE қолданыстағы зертханалық үлгісін іске асыру нұсқаларын зерттеу және әзірлеу» №753.БҒМ.МФ.13.13. тақырыбының аға ғылыми қызметкері;

        – 2015ж. «Ақпараттық қауіпсіздікті биометриялық қолдау бойынша стандарттар тобын зерттеу, үйлестіру, модификациялау және есепке қою» 1022/ГФ4 тақырыбының аға ғылыми қызметкері.

        – 2011-2013ж. – «Тұрмыстық тоңазытқыштар мен мұздатқыш камераларға энергия үнемдейтін приставкалардың сериялық өндірісін әзірлеу және ұйымдастыру» тақырыбын орындаушы.

    Жолдың сызбасы