6В01801 — Әлеуметтік педагогика
-
Білім беру
-
-
Дисциплины ЕНТ
-
Академическая мобильность
-
ECTS
-
Пороговый балл
-
Minor
-
Жалпы ақпарат
1.1. Білім беру бағдарламасының атауы
әлеуметтік педагогика
1.2. Білім беру бағдарламасын әзірлеу бойынша топ:
Жетекші университет
Қатысушы университеттер
Ы.Алтынсарин атындағы Арқалық педагогикалық институты
Жұбанов атындағы Ақтөбе өңірлік университеті
Х.Досмұхамедов атындағы Атырау университеті
Семей қаласының Шәкәрім атындағы университеті
Аманжолов атындағы Шығыс Қазақстан университеті
І.Жансүгіров атындағы Жетісу университеті
Қазақ ұлттық қыздар педагогикалық университеті
Ш.Уәлиханов атындағы Көкшетау университеті
Қорқыт-Ата атындағы Қызылорда МУ
М.Қозыбаев атындағы Солтүстік Қазақстан университеті
Дулати атындағы Тараз өңірлік университеті
1.3. Білім беру бағдарламасының типі (Ұлттық біліктілік шеңберіне сәйкес)
Бакалавриат, 6 деңгей
1.4. Жалпы академиялық кредиттер саны
240
1.5. Оқу түрі
Күндізгі
1.6. Бағдарламаның болжалды ұзақтығы
4 жыл
1.7. Білім беру бағдарламасының қысқаша сипаттамасы
Білім беру бағдарламасының мақсаттары мен міндеттері
Бұл "Әлеуметтік педагогика" білім беру бағдарламасы әртүрлі қазақстандық жоғары оқу орындарының ынтымақтастығымен және халықаралық консультанттарды тарта отырып әзірленген, педагогтарды даярлауға арналған ұлттық білім беру бағдарламасы болып табылады. Бұл білім беру бағдарламасы (БББ) ұлттық болғандықтан, ондағы сипаттамалық мәтіндерде нақты ақпарат жоқ, бірақ жалпы педагогикалық қағидаттар мен тақырыптар қамтылған (сонымен қатар 1-қосымшаны қараңыз.). Толығырақ сипаттамалар, мысалы, әдіснамалар мен бағалау институционалдық және өңірлік жағдайларды ескере отырып, жоғары оқу орындарының іске асыру жоспарларында айқындалатын болады.
"Әлеуметтік педагогика" БББ - бұл білім беру мекемелерінде (мектептерде, колледждерде) әлеуметтік педагог ретінде маманданғысы келетін мұғалімдерге арналған педагогикалық білім беру бағдарламасы. БББ 60 академиялық кредит педагогикалық компоненттен (педагогикалық практиканы қоса алғанда), 56 академиялық кредит міндетті компоненттен және 124 академиялық кредит пәндік компоненттен (8 академиялық академиялық кредит қорытынды аттестаттауды қоса алғанда) тұрады.
Пәндік компонент 5 модульден тұрады: "Әлеуметтік-педагогикалық қызмет негіздері", "Әлеуметтік-педагогикалық бағалау және бақылау", "Араласу және кеңес беру", "Алдын алу және ақпараттандыру", "Зерттеу".
"Әлеуметтік педагогика" БББ бағдарламасы "Педагогикалық білім беру әлеуетін күшейту" халықаралық жобасы шеңберінде дайындалған инновациялық болып табылады. Бұл БББ бағдарламасы Тұрақты даму мақсаттарына, 21 ғасырдың дағдыларын қалыптастыруға бағытталған. БББ өзгерістерінің негізгі идеясы - әлеуметтік білім беру ортасын ескере отырып, білім берудегі кәсіби әлеуметтік жұмысты ұйымдастыруға көшу. Бағдарлама бала мен отбасына көмек келтірудегі әлеуметтік институттардың өзара әрекеттесуін ұйымдастыруға бағытталған. БББ білім беру үрдісін сүйемелдеуден әлеуметтену және тәрбие үрдістеріне назар аударады, дәл осы жаңа БББ мектептегі әлеуметтік жұмыс құзыреттіліктер мен пәндердің мазмұны арқылы ұсынылған, қосымша білім беруді сүйемелдеудің, ата-ана құзыреттілігін арттырудың, инклюзивті мектепте баланы сүйемелдеу ретінде тьюторлықтың әлеуметтік міндеттері күшейтілген. Осы БББ әзірлеу кезінде білім беру мекемесіндегі әлеуметтік педагогтың нақты қолданбалы міндеттерін шешу құзыретіне баса назар аударылды.БББ болашақ мұғалімдердің құқықтары мен мүдделеріне нұқсан келтірмей, теңдік, сыйластық, толеранттылық қағидаттарын сақтай отырып, оқуға тең мүмкіндіктер береді. Табиғаты жағынан ол пәнаралық, болашақ мұғалімдерге бағытталған, ғылыми интеграцияланған және проблемалық-бағдарланған болып табылады, ал курстарды таңдау тарих пен қоғамның өзекті мәселелерімен анықталады және курстардың халықаралық дескрипторларына сәйкес келеді.
БББ оқыту мен бағалау әдістері, сондай-ақ пәндік курстар бағдарламада көрсетілген құзыреттіліктерге қол жеткізу мен өлшеуді қамтамасыз ететіндей етіп таңдалатын, сындарлы келісім қағидаттарын көздейтін. Сонымен қатар, бағдарлама болашақ мұғалімдердің көпұлтты және көпконфессиялы құрамын және олардың оқытуды қолдаудағы әртүрлі қажеттіліктерін ескере отырып, инклюзивті тәсілді ұстанады.
1.8 Білім беру бағдарламасының негізгі қағидалары
Құзыреттілікке негізделген педагогикалық білім беру:
Педагогтың құзыреттілігі педагогика саласындағы және оның пәндік саласындағы құзіреттілігін әр түрлі қызмет жағдайында оқытудың теориялық және практикалық құзыреттілігімен біріктіреді. Мұғалім өз пәніне қажетті білім мен дағдыға ие, сондықтан бір пәнді оқитын жастар мен ересектерге білім беріп, бағыт-бағдар бере алады.
Мұғалімнің құзыреттілігі жоспарлауға, бағыттауға, оқытуға және бағалауға бағытталған. Сондықтан мұғалімнің оқыту және құзыреттіліктерін дамыту бойынша жеткілікті теориялық білімі болуы керек. Сонымен қатар, бүгінгі еңбек ету саласында ынтымақтастық пен байланыс құруға, дағдыларды дамытуға, өзінің және айналасындағылардың әл-ауқатын қолдау мен сақтауға баса назар аударылады.
Мұғалімнің құзыреттілігіне еңбек нарығындағы, білім беру құрылымындағы, жалпы қоғамдағы өзгерістер әсер етеді; осы элементтердің барлығы мұғалім жұмысының қарқынды сипатын көрсетеді. Жұмыс жағдайында болатын түрлі құбылмалы өзгерістер мұғалімнің өз қызметін бағалай алу мен реттей алу қабілетіне көңіл аудартады. Өзін-өзі бағалау дағдысы кәсіби тұлғаны дамытудың маңызды бөлігі болып табылады. Мұғалімдер үнемі құндылықтарға негізделген шешімдер қабылдайды, бұл кәсіби этика мәселелерін қарастыру қажетті кәсіби дағдылардың бірі екенін білдіреді. Өзгерістер сарапшылық білімді дамытуды, үйрену қабілетін, сондай-ақ реформалау және қоғамдағы жұмыс істеу әдістерін жаңартып отыруды талап етеді.
Құзыреттілікке негізделген педагогикалық білім беру бағдарламасы.
Құзыреттілікке негізделген педагогикалық білім беру бағдарламасы үш бөліктен тұрады:
1) педагогикалық компонент, 2) пәндік компонент, 3) міндетті компонент. Бұл құрылымдардың әрқайсысы модульдер мен тиісті курстардан құралады. Курстардың оқыту нәтижесі оқыту жұмысында қажетті құзыреттіліктерді сипаттайды және ҰБШ (ұлттық біліктілік шеңбері) жүйесінің алтыншы деңгейіне жатады.
Білім беру бағдарламасы келесі негізгі қағидаларға негізделеді:
- Құзыреттілік әдісі;
- Конструктивті (сындарлы) келісім;
- Студенттерге бағдарланған және белсенді оқытуды қолдайтын әдістер;
- Зерттеуге негізделген оқыту;
- Пәнаралық оқыту;
- Инклюзия;
- Педагогтардың кәсіби дамуы және өзгерістерді басқару;
(толығырақ ақпаратты Қосымшадан қараңыз)
-
