Білім беру

Дисциплины ЕНТ
Академическая мобильность
ECTS
Пороговый балл
Minor

БББ пәндері

Элективті пәндер каталогы

БІЛІМ БЕРУ БАҒДАРЛАМАСЫ ТУРАЛЫ ЖАЛПЫ АҚПАРАТ

1.1. Білім беру бағдарламасының атауы

БИОЛОГИЯ

1.2. Білім беру бағдарламасын әзірлеу бойынша топ:

Жетекші университет	Қатысушы университеттер
М.Өтемісов атындағы Батыс-Қазақстан университеті	М.Қозыбаев атындағы Солтүстік-Қазақстан университеті
	Павлодар педагогикалық университеті
	Алтынсарин атындағы Арқалық педагогикалық институы
	Х.Досмұхамедов атындағы Атырау университеті
	Академик Е.А.Букетов атындағы Қарағанды университеті
	А.Байтұрсынов атындағы Костанай өңірлік университеті
	Семей қаласындағы Шәкәрім атындағы университет
	Ш. Уәлиханов атындағы Көкшетау университеті

1.3. Білім беру бағдарламасының типі (Ұлттық біліктілік шеңберіне сәйкес)

6 деңгей. Бакалавриат

1.4. Жалпы академиялық кредиттер саны

240

1.5. Оқу түрі

Күндізгі оқу

1.6. Бағдарламаның болжалды ұзақтығы

4 жыл

1.7. Білім беру бағдарламасының қысқаша сипаттамасы

Білім беру бағдарламасының мақсаттары мен міндеттері

Осы «Биология» деген білім беру бағдарламасы (ББ) - әртүрлі қазақстандық жоғары оқу орындарының ынтымақтастығымен және халықаралық консультанттарды тарта отырып әзірленген, педагогтарды даярлауға арналған ұлттық білім беру бағдарламасы. Бұл білім беру бағдарламасы ұлттық болғандықтан, ондағы сипаттамалық мәтіндерде нақты ақпарат жоқ, бірақ жалпы педагогикалық қағидалар мен тақырыптар қамтылған (1-қосымшаны қараңыз). Толығырақ сипаттамалар, мысалы, әдіснамалар мен бағалау институционалдық және өңірлік жағдайларды ескере отырып, жоғары оқу орындарының іске асыру жоспарларында айқындалатын болады.

«Биология» білім беру бағдарламасы (ББ) оқу орындарында (мектептер, колледждер, гимназиялар) биологияны оқытуға маманданғысы келетін мұғалімдерге арналған педагогикалық білім беру бағдарламасы. ББ 63 академиялық кредит педагогикалық компоненттен (педагогикалық практиканы қоса алғанда), 56 академиялық кредит міндетті компоненттен және 121 академиялық кредит пәндік компоненттен (8 академиялық кредит қорытынды аттестаттауды қоса алғанда) тұрады.

Пәндік компонент 5 модульден тұрады: «Тірі ағзалардың биологиясы», «Генетика және эволюция», «Биопедагогика және қоршаған орта», «Қолданбалы және интеграцияланған ғылымдар», «Биологиядағы зерттеулер».

«Биология» білім беру бағдарламасы Қазақстан Республикасының мектеп білімі үшін педагогтерді даярлаудағы құзыреттілік тәсіл негізінде әзірленді. Білім беру бағдарламасы Жоғары білім берудің мемлекеттік жалпы білім беру стандартына сәйкес Қазақстан Республикасының Білім және тәрбие саласындағы жаңғырту идеяларын көрсетеді (Қазақстан Республикасы Ғылым және жоғары білім министрінің 2022 жылғы 20 шілдедегі №2 бұйрығы, 19.01.2023 өзгерістерімен және толықтыруларымен)

ББ болашақ мұғалімдердің құқықтары мен мүдделеріне нұқсан келтірмей, теңдік, сыйластық, толеранттылық қағидаларын сақтай отырып, оқуға тең мүмкіндіктер береді.

Табиғаты жағынан ол пәнаралық, болашақ мұғалімдерге бағытталған, ғылыми интеграцияланған және мәселеге бағытталған болып келеді, ал курстарды таңдау тарих пен қоғамның өзекті мәселелерімен анықталады және курстардың халықаралық дескрипторларына сәйкес келеді.

ББ оқыту мен бағалау әдістері, сондай-ақ пәндік курстар ББ көрсетілген құзыреттіліктерге қол жеткізу мен өлшеуді қамтамасыз ететіндей етіп таңдалатын, сындарлы үйлесу қағидаларын көздейтін. Сонымен қатар, ББ болашақ мұғалімдердің көпұлтты және көпконфессиялы құрамын және олардың оқытуды қолдаудағы әртүрлі қажеттіліктерін ескере отырып, инклюзивті тәсілді ұстанады.

Білім беру бағдарламасы инновациялық технологияларды, соның ішінде STEM, CLIL, IT технологияларын кәсіби қызметте пайдалануға қабілетті білікті биология мұғалімін даярлауға бағытталған. Түлектер тұжырымдамалық-теориялық білім, ғылыми зерттеулер жүргізу және оларды ғылымда қолдану саласында педагогикалық және пәндік құзыреттерге ие.

1.8 Білім беру бағдарламасының негізгі қағидалары

Құзыреттілікке негізделген педагогикалық білім беру:

Педагогтың құзыреттілігі педагогика саласындағы және оның пәндік саласындағы құзіреттілігін әр түрлі қызмет жағдайында оқытудың теориялық және практикалық құзыреттілігімен біріктіреді. Мұғалім өз пәніне қажетті білім мен дағдыға ие, сондықтан бір пәнді оқитын жастар мен ересектерге білім беріп, бағыт-бағдар бере алады.

Мұғалімнің құзыреттілігі жоспарлауға, бағыттауға, оқытуға және бағалауға бағытталған. Сондықтан мұғалімнің оқыту және құзыреттіліктерін дамыту бойынша жеткілікті теориялық білімі болуы керек. Сонымен қатар, бүгінгі еңбек ету саласында ынтымақтастық пен байланыс құруға, дағдыларды дамытуға, өзінің және айналасындағылардың әл-ауқатын қолдау мен сақтауға баса назар аударылады.

Мұғалімнің құзыреттілігіне еңбек нарығындағы, білім беру құрылымындағы, жалпы қоғамдағы өзгерістер әсер етеді; осы элементтердің барлығы мұғалім жұмысының қарқынды сипатын көрсетеді. Жұмыс жағдайында болатын түрлі құбылмалы өзгерістер мұғалімнің өз қызметін бағалай алу мен реттей алу қабілетіне көңіл аудартады. Өзін-өзі бағалау - дағдысы кәсіби тұлғаны дамытудың маңызды бір бөлігі. Мұғалімдер үнемі құндылықтарға негізделген шешімдер қабылдайды, бұл кәсіби этика мәселелерін қарастыру қажетті кәсіби дағдылардың бірі екенін білдіреді. Өзгерістер сарапшылық білімді дамытуды, үйрену қабілетін, сондай-ақ реформалау және қоғамдағы жұмыс істеу әдістерін жаңартып отыруды талап етеді.

Құзыреттілікке негізделген педагогикалық білім беру бағдарламасы.

Құзыреттілікке негізделген педагогикалық білім беру бағдарламасы үш бөліктен тұрады: 1) педагогикалық компонент, 2) пәндік компонент, 3) ЖОО компоненті. Бұл құрылымдардың әрқайсысы модульдер мен тиісті курстардан құралады. Курстардың оқыту нәтижесі оқыту жұмысында қажетті құзыреттіліктерді сипаттайды және ҰБШ (ұлттық біліктілік шеңбері) жүйесінің алтыншы деңгейіне жатады.

Білім беру бағдарламасы келесі негізгі қағидаларға негізделеді:

- Құзыреттілік әдісі;

- Конструктивті (сындарлы) үйлесу;

- Студентке бағдарланған әдіс және белсенді оқытуды қолдайтын әдістемелер;

- Зерттеуге негізделген оқыту;

- Пәнаралық оқыту;

- Инклюзия;

- Педагогтардың кәсіби дамуы және өзгерістерді басқару;

(толығырақ ақпаратты Қосымшадан қараңыз)

Қазақ ұлттық қыздар педагогикалық университеті 1944 жылы негізі қаланған

Білім беру

Дисциплины ЕНТ

Академическая мобильность

ECTS

Пороговый балл

Minor

Байланыстар