Университет ректоры Наурыз мейрамымен құттықтады
-
22 наурыз, 2022
![Университет ректоры Наурыз мейрамымен құттықтады]()
АЛМАТЫ. 22 наурыз. Баспасөз орталығы – Қазақ ұлттық қыздар педагогикалық университетінің Басқарма төрағасы – Ректор Гүлмира Қанай Наурыз мейрамымен құттықтады.
Құрметті әріптестер мен білім алушылар!
Баршаңызды Ұлыстың ұлы күні – Наурыз мейрамымен шын жүректен құттықтаймын!
Бәрімізді қуаныш пен сүйіспеншілік сезіміне бөлейтін бұл мереке – бейбітшілік пен жақсылықтың нышаны.
Оның философиялық мәні зор және бүкіләлемдік мәдени сипаты бар.
Ерте заманнан бастау алатын осынау мейрам жаңару мен жаңа өмірдің басталу сәтін сипаттайды.
Наурыз – тіршілік атаулының жанданатын кезі ғана емес, халықтардың береке-бірлігіне негіз болған кезең.
Наурыз – ізгілік пен жақсылықтың бастауы.
Наурыз – рухани бай мұрамыздың, бірегей ұлттық кодымыз бен ұрпақтар сабақтастығының жарқын символы.
Бұл мереке өмірімізге жасампаздық пен дамудың жаңа лебін әкеледі.
Бүгінде Наурыз – достықты, өзара құрмет пен келісімді нығайтуға септігін тигізетін шын мәніндегі жалпыхалықтық мейрамға айналды.
Оның мәңгілік мәні – ең жоғары құндылығымыз бен ортақ байлығымызды – халықтың ынтымағын бекемдеу.
«Бірлік бар жерде, тірлік бар» дейді халық даналығы.
Жақсылықтың жаршысы, жаңа жылдың бастауы – Наурыз баршаңыздың шаңырағыңызға шаттық пен несібе әкелсін!
Дендеріңізге саулық, отбасыларыңызға бақ пен береке тілеймін!
Шынайы тілекпен, Гүлмира Қанай,
Қазақ ұлттық қыздар педагогикалық университетінің Басқарма төрағасы – Ректор
МЕДИА
Коммуникация және маркетинг департаменті 
Байланыс телефоны: +7 727 237 00 05 
e-mail: qyzdar_universitety@qyzpu.edu.kz Бөлісу:
