Университет студенттері пәндік олимпиададан жеңіспен оралды
-
29 қазан, 2024
![Университет студенттері пәндік олимпиададан жеңіспен оралды]()
Қазан айының 18-19 күндері Сәрсен Аманжолов атындағы Шығыс Қазақстан университетінде, жоғары оқу орын студенттері арасында «Мектепке дейінгі оқыту және тәрбиелеу» білім беру бағдарламасы бойынша ХVІ республикалық пәндік олимпиада өтті.
Олимпиаданың мақсаты: талантты жастарды анықтау, мектепке дейінгі ұйым педагогтерінің болашақ мамандықтарына деген қызығушылығын арттыру, интеллектуалды қабілеттерін айқындау.
Аталмыш байқауда Абай атындағы Қазақ ұлттық педагогикалық университеті, Е.А.Бөкетов атындағы Қарағанды университеті, Л.Н.Гумилев атындағы Еуразия ұлттық университеті және тағы басқа 10-нан аса жоғары оқу орынның студенттері өз бақтарын сынады.
Жарысқа Қазақ ұлттық қыздар педагогикалық университетінен 3 курс студенттері Жақсылыққызы Маржан, Тәжікер Тоғжан, Кенжебекқызы Балнұр және 4 курс студенті Данияр Сымбат қатысты. Оларға мектепке дейінгі білім беру кафедрасының бағдарлама көшбасшысы Жубандыкова Ақгүл Мурзалиевна жетекшілік етті.
Олипиада қорытындысы бойынша QyzPU студенттері ІІ орынды иеленді. Сонымен қатар, «Зияткерлік марафон» номинациясының үздік грамотасымен марапатталды.
Студенттерге олимпиадаға қатысқандары үшін сертификаттар беріліп, команда жетекшісі Жубандыкова Ақгүл Мурзалиевнаға Алғыс хат табысталды.
Бөлісу:
