Болашақ әйелдердің қолында: қыздардан көшбасшыларға
-
16 қазан, 2024
![Болашақ әйелдердің қолында: қыздардан көшбасшыларға]()
15 қазан күні Қазақ ұлттық қыздар педагогикалық университетінде Стратегиялық даму департаменті «Болашақ әйелдердің қолында: қыздардан көшбасшыларға» форумын ұйымдастырды. Іс-шара Халықаралық қыздар күніне және Ауыл әйелдерінің халықаралық күніне орай өтті. Бұл форум қыздар мен әйелдердің көшбасшылығын қолдау және дамытудың, әсіресе ауылдық аймақтарда, маңыздылығын айқындайды.
Іс-шараның мақсаты - білім беру мен көшбасшылықтың қыздар мен әйелдердің мүмкіндіктерін кеңейтуге қалай ықпал ететінін көрсету, әсіресе ауылдық аймақтардан шыққан қыздарға ерекше назар аудару болды. Жиында әйелдердің тұрақты дамуы мен болашақты қалыптастырудағы елеулі үлесі ерекше аталып өтілді. Сонымен қатар форум сәтті тәжірибе алмасуға және бастамаларды одан әрі дамыту бойынша нақты ұсыныстар тұжырымдауға арналған алаңға айналды.
Форумға «Тұрақты даму» студенттік клубының белсенді студенттері, білім беру және көшбасшылық саласындағы сарапшылар, сондай-ақ БҰҰ секілді халықаралық ұйымдардың өкілдері қатысты. Қатысушылар Қазақстандағы қыздар мен әйелдердің білім беру саласындағы қазіргі қиындықтар мен мүмкіндіктерді талқылап, көшбасшылық қасиеттерді дамытуға және олардың қоғамдық өмірге толыққанды қатысуына кедергі келтіретін тосқауылдарды жоюға назар аударды.
Сонымен қатар шара аясында қатысушылар Қазақстанның ауылдық аймақтарындағы әйелдердің білім беру арқылы өз қауымдастықтарының дамуына қосқан үлесін баяндайтын «Ауыл әйелдері көшбасшылық пен білім беруде» атты фотокөрмемен танысты.
Бөлісу:
