QyzPU-да профессор Дуглас Хартманның Visiting Scholar бағдарламасы аясында семинары өтті
-
26 қыркүйек, 2024
![QyzPU-да профессор Дуглас Хартманның Visiting Scholar бағдарламасы аясында семинары өтті]()
17-20 қыркүйек аралығында Мичиган мемлекеттік университетінің профессоры Дуглас Хартман «Зерттеу тақырыбын анықтау және негіздеу - ғылыми әдебиеттер мен мәселенің мәнмәтініне шолу» тақырыбында семинар өткізді.
Семинар барысында профессор Хартман ғылыми тақырыпты таңдау және оны негіздеудің әдістері туралы жан-жақты айтып, жаһандық контекстте бар әдебиеттер мен зерттеу мәселелерін талдауға ерекше назар аударды. Ол қазіргі заманғы зерттеушілердің жасанды интеллектіні ғылыми зерттеулерде үлкен көлемдегі деректерді талдау және әдебиеттерге шолуды жақсарту үшін қалай пайдалана алатыны туралы әртүрлі мысалдар келтірді.
Профессор Хартман мұғалімдерді даярлау, технологиялар, оқу, сауаттылық және тіл мәселелеріне арналған жаһандық контексттегі сарапшы ретінде танымал. Мичиган мемлекеттік университетінде ол осы тақырыптар бойынша семинарлар өткізді.Оның зерттеулері білім беру және технология мәселелерін халықаралық деңгейде шешуге бағытталған.
Семинар орыс және қазақ тілдеріне ілеспелі аудармамен жүргізілді. Бұл - қатысушыларға талқылауға белсене қатысуға мүмкіндік берді.
Сонымен қатар, QyzPU мен профессор Хартман арасындағы ынтымақтастық аясында, университетіміздің оқытушыларының қатысуымен бірлескен ғылыми жоба әзірлеудің негізі қаланды. Бұл жоба білім, технология және психометрия саласындағы зерттеулерге бағытталған.Бөлісу:
