«Отанымды аңсадым!» Мұхтар Әуезовтың немересі араға 9 жыл салып барып Алматыға келді
-
11 қазан, 2023
![«Отанымды аңсадым!» Мұхтар Әуезовтың немересі араға 9 жыл салып барып Алматыға келді]()
Сонау Нидерланды Королдігінен ат арылтып келген заңғар жазушының немересі Зифа-Алуа Әуезова бірінші болып туған атасының қолдауымен құрылған Қазақ ұлттық қыздар педагогикалық университетінің шаңырағына бас сұқты. Соңғы мәрте ұстаздар ордасына профессор 9 жыл бұрын келген екен. Ғалым студенттермен кездесу кезінде Қазақстанды сағынғанын жасырмады.
Отанына деген сағынышын Зифа-Алуа Әуезова осы кездесуде басты десе болады
Зифа-Алуа Әуезованың елге сапарында бірінші болып Қазақ ұлттық қыздар педагогикалық университетінің ұжымына сәлем беруі тегін емес. Өйткені ұстаздар ұстаханасының құрылғанына келесі жылы 80 жыл толса, ғалымның әкесі, мәдениеттанушы-ғалым Мұрат Әуезовтің туғанына биыл 80 жасқа толып отыр.
Зифа-Алуа Мұратқызымен кездесуге қазақ әдебиеті кафедрасының профессорлық-оқытушылар құрамы мен докторант, магистранттар мен студенттері қатысты. Жастар көрнекті ғалыммен пікірлесу арқылы көркем аударма және әдеби байланыс мәселелерін талқылады. Зифа-Алуа Әуезова Абайдың ағылшын тіліне өзі аударған шығармаларын оқып беріп, студенттерге шағын сұрақ-жауап жүргізді.
Кездесу соңында Мұхтар Әуезовтей ғұламаның көзіндей болған Зифа-Алуа Мұратқызы Қазақ ұлттық қыздар педагогикалық университетінің ұжымына және студенттерге ақ батасын берді.
Бөлісу:
