Репродукция мәселесі бойынша кездесу өтті
-
07 маусым, 2023
![Репродукция мәселесі бойынша кездесу өтті]()
Университетіміздің Тұлға қалыптастыру департаменті Менталды денсаулықты дамыту орталығының ұйымдастыруымен «Репродукциядағы жаңа технологиялар» тақырыбында сессия өтті.
Аталған іс-шара Алматы қаласы Денсаулық сақтау басқармасының шаруашылық жүргізу құқығындағы «Қалалық адам ұрпағын өрбіту орталығы» мемлекеттік коммуналдық кәсіпорны мен Қазақ ұлттық қыздар педагогикалық университеті арасындағы меморандумды жүзеге асыру аясында ұйымдастырылғанын айта кету керек. Сессияға спикер ретінде «Қалалық адам ұрпағын өрбіту» орталығының қызметкері, жоғары санатты гинеколог дәрігер Н.Райымбекова шақырылып, іс-шараға әлеуметтік жұмыс мамандығының 2-курс студенттері қатысты. Спикер іс-шара барысында ғылыми генетикалық аспектілеріне ерекше назар аударып, бүгінгі күннің генетикалық тест ақпараттарымен бөлісті.
Сонымен қатар, іс-шараға қатысушылар молекулярлық биологияның соңғы жетістіктерімен, ауыр тұқым қуалайтын аурулар кезінде жүктілікке және дені сау баланың дүниеге келуіне қол жеткізуге мүмкіндік беретін технологиялармен және «Қалаусыз жүктілікті алдын-алу», «Контрацепция әдістері» тақырыбында кең ауқымды мәліметтермен танысты. Бұл іс-шара құнды және ақпаратқа толы болғанын және қатысушыларға репродукциядағы жаңа технологиялар және ана болудың заманауи тәсілдері туралы маңызды білім алуға мүмкіндік бергенін айта кету керек.
МЕДИА
Бөлісу:
