Педагогика және психология институтында Ашық есік күні өтті
-
12 мамыр, 2023
![Педагогика және психология институтында Ашық есік күні өтті]()
Педагогика және психология институты болашақ абитуренттерге өз есігін айқара ашты. Дәстүрге айналған ашық есік күні – жаңа оқу жылының контингентін қалыптастыру мақсатында Алматы қаласының мектептері мен колледж түлектеріне қабылдау ережелері, құжаттарды тапсыру мерзімі және таңдау пәндері туралы көптеген ақпараттар айтылып, мамандық таңдауда туындайтын өзекті мәселе мен мақсаттарын жүзеге асыру жолдарымен танысты.
Талапкерлер университетке түсу үшін қажетті әрі маңызды ақпараттармен танысып қана қоймай, біздің білім беру бағдарламамыздың бағытынан да хабардар болды. Оқытушылар да студенттер де талапкерлерді жылы қарсы алып, олардың барлық сұрақтарына жауап беруге дайын болды. Талапкерлер оқуға түсу үшін межелі балл туралы, оқу бағдарламалары мен академиялық жүктемелер жайлы қажетті ақпарат алды.
Оқу орнына түскеннен кейінгі өмірлері мен оқу орнының тыныс-тіршілігімен таныстырып, шағын экскурсия жүргізілді. Талапкерлерге мазмұнды презентациялар, фильмдер және маман дайындау бағыттары мен білім беру бағдарламаларының ерекшеліктері көрсетіліп, талапкерлерге зейіні мен зердесін шыңдайтын тренингтер, интерактивті ойындар ойнатылды. Білім мен ғылым шын мәнінде өмір кілтіне айналған ғасырда ел игілігі үшін бірлесе жұмыс жасай отырып, осы іс- шараның өту барысын ұйымдастырғандардың қатарында - институт директорының орынбасарлары – Исаева Л.Т., Адасканова Ж.К., институттың кәсіби бағдар жұмысына жауапты оқытушы – Токтагулова Г.Б., институттың білім беру бағдарламаларын таныстырған оқытушы профессор құрамы – Иминова Ю., Ғұмырзақ А., Сикинбаев Б.Б., Ахметов И.Ж.
Жас талапкерлерге сәттілік тілейміз!
МЕДИА
Бөлісу:
