XVII Республикалық студенттік пәндік олимпиада
-
14 сәуір, 2025
![XVII Республикалық студенттік пәндік олимпиада]()
Құрметті оқытушылар мен студенттер!
Сіздерді 5 мамыр күні Әлеуметтік-гуманитарлық ғылымдар және өнер институтының Кәсіптік білім кафедрасы Қазақстан Республикасы Ғылым және жоғары білім министрлігі бекіткен іс-шаралар аясында «Кәсіптік оқыту» білім беру бағдарламасы бойынша жоғары оқу орындары студенттері арасында өтетін XVII Республикалық студенттік пәндік олимпиадаға шақырады!
Олимпиаданың мақсаты – ғылыми білімді насихаттау, студенттердің ғылыми-білім беру қызметіне қызығушылығын теориялық және практикалық тұрғыда анықтау, олардың шығармашылық қабілеттері мен кәсіби құзыреттіліктерін дамыту, дарынды студенттерді халықаралық олимпиадаларға іріктеу және дайындау, сондай-ақ Қазақстан Республикасының білім беру жүйесін жетілдіруге белсенді қатысуға ынталандыру.
Олимпиадаға қатысу шарттары: Жіберуші ұйым олимпиадаға 1 ғана команда ұсына алады. Бір командадағы қатысушылар саны 4 адамнан аспауы тиіс. Команда құрамында міндетті түрде жіберуші тараптан топ жетекшісі болуы қажет.
Олимпиада үш кезеңнен тұрады: I кезең – Теориялық (тестілеу): 30 тест сұрағына 30 минут беріледі; II кезең – Практикалық тапсырмаларды орындау: 3 сағат уақыт беріледі; III кезең – Ғылыми жобаларды қорғау: 3 сағат уақыт беріледі.
Конкурстық комиссия барлық номинациялар бойынша жеңімпаздарды іріктеу критерийлеріне сәйкес дауыс беру арқылы бағалайды.
Олимпиаданың жабылу салтанаты және жеңімпаздарды марапаттау рәсімі: 2025 жылғы 5 мамыр, сағат 17:30-да өтеді.
Олимпиаданың өткізу тілдері: қазақ және орыс тілдері.
Қатысу үшін қажетті құжаттар: ЖОО-ның бірінші басшысының (проректордың) қолы қойылған сканерленген ілеспе хат және қатысушының өтінімдері (№1 қосымша үлгі бойынша толтырылған) 2025 жылғы 26 сәуірге дейін төмендегі электронды поштаға жіберілуі тиіс: tokkulieva.u@qyzpu.edu.kz
Олимпиада туралы толық ақпарат алу үшін: https://clck.ru/3LQsKM
Өтетін күні: 5 мамыр 2025 жыл
Уақыты: 09:00
Өтетін орны: Гоголь көшесі, 114, №1 оқу ғимараты, 2-қабат, Тұрақты даму орталығы, №214 аудиторияБөлісу:
