2025-2026 оқу жылына арналған академиялық ұтқырлық бағдарламасы
-
02 сәуір, 2025
![2025-2026 оқу жылына арналған академиялық ұтқырлық бағдарламасы]()
Құрметті студенттер! Қазақстан Республикасының Жоғары және жоғары оқу орнынан кейінгі білім департаменті 2025-2026 оқу жылына сыртқы академиялық ұтқырлық бағдарламасы бойынша мемлекеттік бюджеттік қаражат бөлінгенін хабарлайды!
Еуропалық Одақ елдеріне 13 орын және Оңтүстік-Шығыс Азия елдеріне 2 орын бөлінді.
Өтініш берушіге келесі құжаттарды ұсыну қажет: 1) ҚР азаматының паспортының көшірмесі; 2) Университеттің мөрімен куәландырылған ағымдағы транскрипт; 3) Шет тілі деңгейін растайтын құжат (өтініш беруші келесі құжаттардың біреуін ұсынады): шет тілін меңгеруді халықаралық бағалау жүйесі арқылы алынған сертификат (болған жағдайда); студенттің шет тілді меңгеру деңгейімен келісетіндігі туралы шетел ЖОО-ның хаты; Қазақстандық ЖОО-ның тестілеу нәтижесі (В2 деңгейден төмен емес); 4) Студент отбасының көп балалы екенін растау үшін отбасы құрамы туралы құжат; 5) Студенттің ата-анасының жоқтығын растайтын құжат (жетім балаларға немесе ата-анасының қамқорлығынсыз қалған студенттерге арналған санаттағы студенттер үшін) (болған жағдайда); 6) Студенттің мүгедектігі туралы анықтама (болған жағдайда).
Барлық сұрақтарыңыз бойынша Халықаралық ынтымақтастық бөліміне хабарласыңыздар: ҚайсарТауэрс бизнес-Орталығы, Бөгенбай батыр, 142, 303 кабинет.
Бөлісу:
