Дәуірлер тоғысындағы кітапхана: кітап сөрелерінен цифрлық көкжиектерге



    • Дәуірлер тоғысындағы кітапхана: кітап сөрелерінен цифрлық көкжиектерге

      Құрметті QyzPU ұжымы!

      Сіздерді 4 сәуір күні Физика, математика және цифрлық технологиялар институты мен С. Қаниев атындағы ғылыми кітапхана ұйымдастыратын «Дәуірлер тоғысындағы кітапхана: кітап сөрелерінен цифрлық көкжиектерге» тақырыбындағы республикалық ғылыми семинарға қатысуға шақырамыз!

      Республикалық ғылыми семинар Ақпараттық технологиялар және кітапхана ісі кафедрасында 50 жылдан астам уақыт бойы кітапхана ісі саласында педагогикалық және қоғамдық қызмет атқарып келе жатқан педагогика ғылымдарының кандидаты, доцент, кітапхана ісінің ардагері Мукашева Мария Базкенқызының 75 жылдық мерейтойына орай ұйымдастырылуда.

      Республикалық ғылыми семинар аясында келесі тақырыптар ұсынылады: кітапхана ісінің даму тенденциялары, заманауи кітапханашыға қойылатын талаптар мен дағдылар; ЖОО кітапханаларының ақпараттық ресурстары: оларды академиялық ортада қалыптастыру және ілгерілету тәжірибесі мен перспективалары; кітапхана ісі мамандығындағы кәсіби білімнің өзекті мәселелері; ақпараттық-кітапханалық қызметтің сапасын бағалау.

      Республикалық ғылыми семинар бағдарламасы бойынша кітапхана ісі саласында ой-пікір алмасу, тәжірибе бөлісу және стейкхолдерлерден кері байланыс алу іс-шаралары қарастырылған.

      Семинардың жұмыс тілдері: қазақ, орыс, ағылшын.

      Республикалық ғылыми семинарға қатысу үшін 2025 жылдың 2 сәуіріне дейін ұйымдастыру комитетінің байланыс желілеріне хабарласу қажет:

      8 778 352 09 90 (электронды пошта: kitaphanaisi@gmail.com).

      Өтетін күні: 4 сәуір 2025 жыл, сағ. 11:00.
      Өтетін орны: Әйтеке би көшесі, 105 б, С.Қаниев атындағы ғылыми кітапхананың конференц-залы.

      Бөлісу: