14 ақпан – Халықаралық кітап сыйлау күні
-
11 ақпан, 2025
![14 ақпан – Халықаралық кітап сыйлау күні]()
Құрметті QyzPU ұжымы! 14 ақпан – Халықаралық кітап сыйлау күніне орай, Сералы Қаниев атындағы кітапхана ұжымы мен Физика, математика және цифрлық технологиялар институтының Ақпараттық технологиялар және кітапхана ісі кафедрасының 1 курс студенттері «Кітап оқып, кітап сыйла» атты мерекелік іс-шара ұйымдастырады.
Мақсаты: Оқырмандарды жақсы кітап оқуға ынталандыру, бір-біріне кітап сыйлауға шабыттандыру және қағаз кітап әрқашан құнды сыйлық болып қала беретінін ұғындыру, өзара сыйластықты қалыптастыру.
Мерекенің қағидасы бойынша бұл күні барлық адам бір-біріне кітап сыйлағаны абзал.
Іс-шарада отандық баспа басылымдары кітап жәрмеңкесін ұсынады.
Атап айтқанда: «Алқа» баспасы, «Арман ПВ», «Steppe&world», «Қасым» баспа үйі, «Kitapal», «Alash Book», «Marfu Press», «Amal Вook», «Mazmundama» қоғамдық қоры, «Kemel Kitap» баспалары қатысады.
Барша кітапсүйер қауымды, соның ішінде оқырмандар мен студенттерді аталған іс-шараға қатысуға шақырамыз!
Күні: 14 ақпан 2025 жыл
Уақыты: 10.00-15.00
Өтетін орны: Сералы Қаниев атындағы ғылыми кітапхана, 1 қабат
Бөлісу:
