«SWEET BOOK» тарихи кітап байқауынақатысуға шақырамыз
-
24 қаңтар, 2025
![«SWEET BOOK» тарихи кітап байқауынақатысуға шақырамыз]()
Құрметті оқытушылар мен білім алушылар!
Сіздерді 2025 жылдың 21 ақпан күні Әлеуметтік-гуманитарлық ғылымдар және өнер институтының Тарих кафедрасы жанындағы «Жас тарихшы» үйірмесінің ұйымдастыруымен өтетін «SWEET BOOK» тарихи кітап байқауына қатысуға шақырамыз!
Байқаудың мақсаты – рухани және интеллектуалдық дамытудың көзі ретінде білім алушылардың кітапқа деген қызығушылықтарынарттыру, тарихи кітаптарды оқуды насихаттауарқылы патриоттық сезімін ояту. Қазақ тарихына қатысты отандық және әлемдік ғалымдардың еңбектерін оқуға тарту, жас ұрпақтың тарихи санасын арттырып, шығармашылығын дамыту.
Байқаудың өткізілу тәртібі: Байқауға әр институттан бір команда қатыса алады; Команда құрамы 10 студенттен аспауы керек; Қатысу үшін өтініштер мен бейнероликтер 2025 жылдың 10 ақпанына дейін қабылданады.
Байқаудың өтетін тілі: қазақ, орыс, ағылшын.
Байқау шарттары:
1 кезең. Креативті «SWEET BOOK»
Қатысушылар өздері таңдаған тарихи кітаптың тәтті нұсқасын дайындайды. Яғни, командалар торт арқылы кітаптың мұқабасын, оқиға желісін, кейіпкерлерін бейнелеп, ерекше креативті идея ұсынуы тиіс;
2 кезең. Жағымды жарнама
Бұл байқауда әр команда өздері таңдаған тарихи кітаптарын оқуға жарнама жасайды.
Бағалау критерийлері: Тақырыпты ашу деңгейі; Түсіндіруде шығармашылық қабілеттерін көрсетуі; Дәлелді талдау жасай алуы; Сөз саптауы және ораторлық шеберлігі. Регламент: 5-7 минут;3 кезең. Қызықты қойылым
Бұл байқауда әр команда өздері таңдаған кітаптың желісі бойынша көрініс қояды. Бағалау критерийлері: Тақырыпты ашу деңгейі; Көркем бейнені орындау мәнері; Шығармашылық ерекшелігі (сценарийдің әзірленуі, көркемдік және музыкалық безендірілуі, декорация, костюмдер); Сахна мәдениеті; Театрландырылған қойылымдарды ұйымдастыруда тың идеялар мен инновациялық әдістерді қолдану тәсілдері.
Регламент: 8-10 минут.
Байқаудың өтетін күні: 21 ақпан 2025 жыл
Уақыты: 10:00
Мекенжайы: Әйтеке би көшесі, 99, QyzPU Ғылыми кітапханасы.
Ұйымдастырушы комитеттің мекенжайы: Әйтеке би көшесі, 99, Бас оқу ғимараты, Тарих кафедрасы, 413 кабинет.
Байланыс телефоны: +7 700 262 1598
E-mail: aygerim.mukan@gmal.com
Өтінім
Әлеуметтік- гуманитарлық ғылымдар және өнер институты Тарих кафедрасы «Жас тарихшы»үйірмесінің ұйымдастыруымен «SWEET BOOK» тарихи кітап байқауына қатысу үшін әр команда жеке-жеке толтырады. Байқауға қатысу үшін өтініштер мен бейнероликтер 2025 жылдың 10 ақпанына дейін қабылданады.
Тіркеу карточкасы: Команданың атауы; Қатысушылардың аты-жөні (толық); Мамандық шифры, курс, байланыс телефоны; Топтың жетекшісінің аты-жөні, байланыс телефоны.
Бөлісу:
