Құрметті мектеп оқушылары! Республикалық пәндік олимпиадасы өткізіледі!
-
05 сәуір, 2022
![Құрметті мектеп оқушылары! Республикалық пәндік олимпиадасы өткізіледі!]()
Құрметті мектеп оқушылары! «Білім шыңы-2022» атты физика, математика және информатика пәндерінен 10-11 (12) сынып оқушыларына арналған республикалық пәндік олимпиадасы өткізіледі!
Қазақ ұлттық қыздар педагогикалық университеті, физика, математика және цифрлық технологиялар институты оқушылардың оқу-танымдық қабілеттерін, пәндік білімдерін тереңдету, ғылымға қызығушылығын дамыту және дарынды оқушыларға қолдау көрсету, шығармашылығын шыңдау мақсатында еліміздің білім беру мекемелерінің 10-11 (12) сынып оқушыларына арналған «Білім шыңы-2022» атты физика, математика және информатика пәндерінен онлайн форматта олимпиада өткізеді.
Олимпиада екі кезеңнен тұрады: бірінші кезеңде физика, математика және информатика пәндері бойынша тест сұрақтары, екінші кезеңде осы пәндерден бақылау жұмыстары алынады.
Бірінші кезең 11 сәуір күні сағат 14:00-ден 15:00 аралығында өткізіледі.
Екінші кезең 14 сәуір күні сағат 10:00-ден 13:00 аралығында өткізіледі.
Олимпиаданың I, II кезеңі онлайн форматта прокторинг арқылы жүргізіледі, https://zoom.us/ платформасы: идентификаторы 859 3113 3174 коды: 052293. Әрбір қатысушымен бірге растаушы құжаттары болуы міндетті.
Олимпиадаға қатысу үшін 2022 жылдың 10 - сәуіріне дейін https://forms.gle/cy6vzC9d9yELDaNa9 сілтемесі арқылы тіркелуі керек.
Олимпиаданың комиссия мүшелері: Қазақ ұлттық қыздар педагогикалық университетінің профессор-оқытушылары.
Олимпиада нәтижелерін қорытындылау: Олимпиаданың қорытындысы университет сайтында kazmkpu.kz жарияланады.
Жеңімпаздар әрбір пән бойынша марапатталады:
- 1 орын – 3 қатысушы (әр пән бойынша 1 қатысушы);
- 2 орын – 3 қатысушы (әр пән бойынша 1 қатысушы);
- 3 орын – 3 қатысушы (әр пән бойынша 1 қатысушы).
2 кезеңге өткен әрбір қатысушының жетекшілеріне Алғыс хат табысталады.
Сұрақтар бойынша: Алматы қаласы, Әйтеке би көшесі, 99. Физика кафедрасы, 412, 414 кабинеттер. Тел.: 8 777 643 5622, 8 (727) 237-00-23; ішкі – 4122.
Коммуникация және маркетинг департаменті 
Байланыс телефоны: +7 727 237 00 05 
e-mail: qyzdar_universitety@qyzpu.edu.kz Бөлісу:
