Инфо-дайджест: Аптаның айшықты оқиғалары. №15
-
14 маусым, 2021
![Инфо-дайджест: Аптаның айшықты оқиғалары. №15]()
АЛМАТЫ. 14 маусым. Баспасөз орталығы – 2021 жылғы 7 – 11 маусым аралығындағы аптаның айшықты оқиғалары.
07.06.2021
– Қазақ ұлттық қыздар педагогикалық университетіне «Халықаралық бағдарламалар орталығы» АҚ-ның президенті Айнұр Кәрібозова арнайы іс-сапармен келді. Сапар аясында «Болашақ»: жаңа мүмкіндіктер» тақырыбында брифинг өтіп, оқу орнының ұжымы мен жас ғалымдарымен кездесу ұйымдастырылды.
*****
– Қазақ ұлттық қыздар педагогикалық университеті мен «Халықаралық бағдарламалар орталығы» АҚ арасында өзара ынтымақтастық туралы меморандум жасалды. Келісімге Қыздар университетінің ғылыми жұмыс және инновация жөніндегі проректоры Нұрғали Аршабеков пен «Халықаралық бағдарламалар орталығы» АҚ президенті Айнұр Кәрібозова қол қойды.
*****
– Қазақ ұлттық қыздар педагогикалық университетінің Басқарма төрағасы – ректоры Гүлмира Қанай бірқатар отандық жоғары оқу орындары басшыларымен кездесті. Олардың қатарында әл-Фараби атындағы Қазақ ұлттық университеті, Абай атындағы Қазақ ұлттық педагогикалық университеті, Қазақ ұлттық аграрлық зерттеу университеті және Қ.И. Сәтбаев атындағы Қазақ ұлттық техникалық зерттеу университетінің Басқарма төрағасы – ректорлары бар.
*****
– 2021 жылғы 1 – 4 маусым аралығындағы аптаның айшықты оқиғалары.
09.06.2021
– Азаматтардың коронавирус індетіне қарсы иммунитетін көтеру мақсатында Қазақ ұлттық қыздар педагогикалық университетінің профессор-оқытушылары мен қызметкерлері екпе салдыра бастады. Ең алғаш болып оқу орнының Басқарма төрағасы – ректоры Гүлмира Қанай Қарағанды фармацевтика зауыты шығарған «Спутник-V» вакцинасын салдырды.
*****
– Қазақ ұлттық қыздар педагогикалық университетінің қабылдау комиссиясы өз жұмысын бастады. Бакалавриат, магистратура және докторантура бойынша дәстүрлі форматта оқуға түсушілерден құжаттарды қабылдау Алматы қаласы, Гоголь көшесі 114, Корпус 1 (Қазақ ұлттық қыздар педагогикалық университеті) мекенжайы бойынша орналасқан оқу орнының қабылдау залдарында жүргізіледі.
*****
– Қазақ ұлттық қыздар педагогикалық университетінде талапкерлер үшін барлық қажетті ақпаратты ұсынатын Call-орталық жұмысын бастады. Қызметтің басты артықшылығы – педагогикалық жоғары оқу орнына түскісі келетіндерге сапалы әрі дұрыс мәлімет беру және мейлінше жылдам қызмет көрсету. Қабылдау комиссиясының жанындағы орталық дүйсенбі-жұма күндері сағат 9:00-18:00, сенбі күні сағат 09:00-13:00 аралығында жұмыс істейді. Байланыс телефоны: 8 (727) 233-18-52.
10.06.2021
– Қазақ ұлттық қыздар педагогикалық университетінің Басқарма төрағасы – ректоры Гүлмира Қанай Сулейман Демирел атындағы Университеттің ректоры Қуаныш Ерғалиевпен кездесті. Кездесу барысында тараптар білім беру, педагог кадрларын даярлаудың заманауи бағыттары, студенттік дебатты жандандыру және қос жоғары оқу орнының қарым-қатынасын нығайту мәселелерін талқылады.
*****
– Қазақ ұлттық қыздар педагогикалық университетінің Басқарма төрағасы – ректоры Гүлмира Қанай аға буын профессор-оқытушылармен кездесіп, оқу орнын дамытудағы өзекті мәселелерді талқылады.
11.06.2021
– Қайырлы күн, қымбатты достар! Менің есімім – Маржан. Мен Қыздар университетінің бакалавриатын, магистратурасы мен докторантурасын бітірдім. Қазір еліміздегі жетекші білім беру ұйымында қызмет атқарамын. Мен үшін бұл оқу орнының орны бөлек. Неге? Себебін айтайын.
*****
– Қымбатты талапкер! Қай жоғары оқу орнына құжат тапсыруды әлі ойланып жүрсің бе? Ең мықты педагогикалық университет қайсысы дейсің бе? Әрине, ол – Қыздар университеті! Бізге оқуға түсуге жүздеген себепті тауып береміз. Әзірге бүгін Қыздар университетін таңдаудағы 10 стратегиялық маңызды себепті айтамыз!
*****
– Қазақ ұлттық қыздар педагогикалық университетінің жас ғалымдарының ғылыми идеялары мен бастамаларына қолдау көрсету, олардың оқу орнының дамуындағы рөлін талқылау мақсатында ҚызПУ-дың Басқарма төрағасы – ректоры Гүлмира Қанай жас ғалымдармен және Жас ғалымдар кеңесінің мүшелерімен кездесті.
Баспасөз және қоғаммен байланыс бөлімі
Байланыс телефоны: +7 727 237 00 07
e-mail: kyzdaruniversity_press@gmail.com
Бөлісу:
