• Басты бет
• Жаңалықтар

Инфо-дайджест: Аптаның айшықты оқиғалары. №12

• 24 мамыр, 2021
  
  

  АЛМАТЫ. 24 мамыр. Баспасөз орталығы – 2021 жылғы 17 – 23 мамыр аралығындағы аптаның айшықты оқиғалары.

   

  17.05.2021

  – Қазақ ұлттық қыздар педагогикалық университеті магистратураның 25 білім беру бағдарламасы бойынша мамандар даярлайды.

  *****

  – Қазақ ұлттық қыздар педагогикалық университеті докторантураның 14 білім беру бағдарламасы бойынша мамандар даярлайды.

   

  18.05.2021

  – Қазақ ұлттық қыздар педагогикалық университетінің 2 курс студенті Әсел Ахметжанова республикалық пәндік олимпиадада екінші орынға ие болды.

   

  19.05.2021

  – Студенттердің, магистранттардың және докторанттардың стипендиялары тікелей карта шоттарына түсетін болады. Бұл туралы ҚР БҒМ аппарат кеңесінде айтылды. Пилоттық режимге әзірге үш жоғарғы оқу орны қатысып жатыр. Олардың қатарына тағы 21 ЖОО қосылды.

  *****

  – «ҚызПУ-дың танымал ғалымдары»: Сайра Жиенбаева. Сайра Жиенбаева – педагогика ғылымдарының докторы, профессор. Ғалымның 300-ге жуық ғылыми еңбегі жарық көрген. Олардың қатарында монографиялар, оқу құралдары мен іргелі ғылыми зерттеулер бар.

   

  20.05.2021

  – Кез келген саланың серпінді дамуын қамтамасыз ету үшін басқарушы элитаны үнемі жаңартып отыру қажет екені белгілі. Реформаларды жүзеге асыратын – білікті кадрлар. Сондықтан оңтайлы өзгерістер орын алуы үшін тәжірибелі және өзіндік жаңа көзқарасы қалыптасқан жаңа буын өкілдерін тарту қажет. Бұл туралы Білім және ғылым министрі Асхат Аймағамбетов Facebook парақшасында жазды.

  *****

  – Қазақ ұлттық қыздар педагогикалық университеті Қазақстан Республикасында сұранысқа ие жоғары оқу орындарының ұлттық рейтингі нәтижесі бойынша отандық білім ордаларының арасында үздіктер қатарынан көрініп, сегізінші орынға ие болды.

  *****

  – Қазақ ұлттық қыздар педагогикалық университетінің 4 курс студенті Ажар Нақыпбек «Шетел тілі: екі шетел тілі» мамандығы бойынша өткен республикалық пәндік олимпиадада екінші орынға ие болды.

  *****

  – Қазақ ұлттық қыздар педагогикалық университетінің студенті Әсел Ахметжанова Халықаралық жас дизайнерлер байқауында екінші орынға ие болды.

   

  21.05.2021

  – «Қаржы орталығы» АҚ-ның өкілі Ақзира Серікқали Қазақ ұлттық қыздар педагогикалық университетінің  студенттерімен кездесу өткізді.

  *****

  – Қазақстанда «Болашақ» білім беру бағдарламасы аясында студенттерді оқыту ауқымы 4 елге кеңейтілді. Олардың қатарына Австрия, Чехия, Ирландия және Оңтүстік Африка кірді. Сондай-ақ тізімге Гонконг те (Қытай) қосылды.

  *****

  – Ұлттық бірыңғай тестілеуде ең жоғары балл жинаған Дильназ Алматқызы ұстаздық жолды таңдап отыр. Ол Қызылорда қаласындағы Т. Жүргенов атындағы №136 мектеп-лицейінің оқушысы. Педагог болуға талпынысы ерекше түлек тестілеуге екі мәрте қатысып, алғашқысында – 134, екінші рет 137 балл алған.

   

  22.05.2021

  – Қос дипломды білім беру бағдарламасы дегеніміз не? Қос диплом – бұл Қыздар университетінің шетелдік жетекші жоғары оқу орындарымен бірлескен бағдарламасы.  Оқуды сәтті аяқтаған студенттерге қазақстандық және халықаралық үлгідегі екі диплом беріледі.

  *****

  – Көп тіл білу – жаңа мүмкіндіктерге жол ашады. Өзге елде оқуды жоспарлаған студенттер алдын-ала тіл үйренгісі келеді. Бірнеше жыл бұрын тілді меңгеру үшін арнайы репетитор мен сөздіктерге жүгінетін болсақ, қазір ғаламторда онлайн форматта және Skype арқылы шет тілдерін үйренуге арналған порталдар жеткілікті. Біз бүгін осындай порталдардың жиынтығын назарларыңызға ұсынамыз.

  *****

  – Кітап оқу – көптеген табыс пен жетістіктің ең басты негізі. Кітап оқу – талдауға, сараптауға, өзіндік жүйелі пікір қалыптастыруға үйретеді. Табысты әрі білімді адамдардың өзгелерден басты артықшылығы – кітап оқиды. Демалыс күндері өзіңізге кітап оқуға ыңғайлы әрі әдебиеттер қоры мол арнайы сайт іздеп жүрген болсаңыз, мына онлайн кітапханаларды ұсынамыз.

  Баспасөз және қоғаммен байланыс бөлімі

  Байланыс телефоны: +7 727 237 00 07

  e-mail: kyzdaruniversity_press@gmail.com

  Бөлісу: