Шет тілдерін меңгергіңіз келсе...
-
22 мамыр, 2021
![Шет тілдерін меңгергіңіз келсе...]()
АЛМАТЫ. 22 мамыр. Баспасөз орталығы – Көп тіл білу – жаңа мүмкіндіктерге жол ашады. Өзге елде оқуды жоспарлаған студенттер алдын-ала тіл үйренгісі келеді. Бірнеше жыл бұрын тілді меңгеру үшін арнайы репетитор мен сөздіктерге жүгінетін болсақ, қазір ғаламторда онлайн форматта және Skype арқылы шет тілдерін үйренуге арналған порталдар жеткілікті. Біз бүгін осындай порталдардың жиынтығын назарларыңызға ұсынамыз.
• Ағылшын тілі.
1. SkyEng
Арнайы репетитор болады, бірақ Skype қоңырау форматында. Мұнда Сіз орыстілді оқытушымен немесе тіл тасымалдаушымен жұмыс істейсіз. Әр сабақтан кейін сіз кері байланыс пен үй тапсырмасын аласыз.
2. Inglex
Бұл – оқу материалдарына ақысыз қол жетімділікті қамтамасыз ететін онлайн мектеп. Порталда қосымша материалдар, YouTube арнасы және вебинар жазбалары бар апта сайынғы таратылым бар.
3. Duolingo
Бұл портал «Жетістік ағашы» бағдарламасы бар тілдерді үйренуге арналған қолайлы жүйе. Бұл оқытудың жаңа сатысына өту үшін алдыңғы ұпайлардың белгілі бір санын алу керек дегенді білдіреді. Doulingo-ның пайдалы ерекшелігі – өзіңіздің айтылымыңызды тексеру мүмкіндігі. Ол үшін Сізде жұмыс істейтін микрофон болуы қажет.
• Француз тілі.
1. Busuu
Портал тіл грамматикасы бойынша сабақ өтуге және бүкіл әлемнің өз тілдерінде сөйлесуге мүмкіндік береді. Сондай-ақ оқу жоспарын құрып, үлгеріміңізді бақылай аласыз.
2. LinguaLeo
Бұл порталдың басты ерекшелігі тіл үйрету ойындар арқылы, танымал бейнелер, мәтіндер мен подкасттар негізінде жеке бағдарлама және тәжірибе арқылы жүргізіледі. IOS және Android үшін қосымшалары бар.
3. Duolingo
Сервисте тек ағылшын тілін ғана емес, сонымен қатар француз тілін де үйренуге болады.
Баспасөз және қоғаммен байланыс бөлімі
Байланыс телефоны: +7 727 237 00 07
e-mail: kyzdaruniversity_press@gmail.com
Бөлісу:
