Жас зерттеушілердің хореографиядағы жаңа қадамдары
-
27 мамыр, 2025
![Жас зерттеушілердің хореографиядағы жаңа қадамдары]()
QyzPU базасында «Хореография» білім беру бағдарламасы бойынша ҚР жоғары оқу орындары студенттерінің жыл сайынғы ғылыми-зерттеу конкурсы өтті. Конкурс Қазақстан Республикасы Ғылым және жоғары білім министрлігі бекіткен іс-шаралар аясында Әлеуметтік-гуманитарлық және өнер институтының Хореография және арт-менеджмент кафедрасы тарапынан ұйымдастырылды.
Конкурстың негізгі мақсаты – студенттердің ғылыми-зерттеу қабілеттерін дамыту, хореография саласындағы заманауи ғылыми мәселелерге қызығушылығын арттыру, сондай-ақ шығармашылық ойлау мен зерттеу дағдыларын қалыптастыру.
«Хореография» білім беру бағдарламасының тобы бойынша студенттердің ғылыми-зерттеу жұмысының байқауына 8 ғылыми жұмыс келіп түсті және конкурстық комиссия тарапынан ғылыми-зерттеу жұмыстары тексеріліп, сарапталды. Ғылыми зерттеу жұмыстары комиссия мүшелеріне студенттің, жетекшінің аты-жөні, жоғары оқу орнының атауы көрсетілмей жіберілді.
Комиссия құрамы бағалау критериилеріне сәйкес ғылыми зерттеу жұмыстарын бағалап, жеңімпаздарды анықтады.
Атап айтқанда, ІІІ орын иегерлері: Инабат Орынбасар, жетекшісі: PhD докторы, қауымдастырылған профессор міндетін атқарушы Анипа Кусанова (Қазақ ұлттық қыздар педагогикалық университеті); Рустем Амирбеков, жетекшісі: ҚР Еңбек сіңірген артисі, өнертану кандидаты, профессор Гульнара Саитова (Қазақ ұлттық хореография академиясы); Альмира Махамбетова, жетекшісі: аға оқытушы, магистр Алия Кенжетаева (М. Өтемісов атындағы Батыс Қазақстан университеті).
ІІ орын иегерлері: Зейнегуль Ансатбаева, жетекшісі: аға оқытушы, магистр Мадина Асанова (Қазақ ұлттық қыздар педагогикалық университеті); Алиса Аманова, жетекшісі: аға оқытушы, магистр Ильзат Ришатович (Т. Жүргенов атындағы Қазақ ұлттық өнер академиясы).
І орын иегері: Баян Қожагелдиева, жетекшісі: PhD докторы, қауымдастырылған профессор міндетін атқарушы Самал Бәкірова (Қазақ ұлттық қыздар педагогикалық университеті).
Барлық жеңімпаздарды жетістіктерімен құттықтай отырып, ғылыми-шығармашылық табыс тілейміз.
Бөлісу:
