«Көршінің Қызы» командасы Ұлттық лиганың 1/4 финалына жолдама алды
-
03 сәуір, 2025
![«Көршінің Қызы» командасы Ұлттық лиганың 1/4 финалына жолдама алды]()
2025 жылдың 27 наурыз бен 1 сәуір аралығында Қазақстан КВН Одағы республикалық жастар қоғамдық бірлестігі ұйымдастыруымен Астана қаласында «Ұлттық Лига» 1/8 финалдық ойындары өтті.
Қазақ ұлттық қыздар педагогикалық университетінің Әлеуметтік-гуманитарлық ғылымдар және өнер институты, Хореография және Арт-менеджмент кафедрасының «Мәдени-тынығу жұмысы» білім беру бағдарламасының студенттерінен құралған «Көршінің Қызы» жайдарман тобы аталмыш сайысқа қатысып, жоғары деңгейде өнер көрсетті. Нәтижесінде команда ¼ финалға жолдама алды. Айта кетейік, аталмыш жарыста еліміздің түрлі өңірлерінен келген 28 команда бақ сынап, олардың ішінен 13 команда ¼ финалға өтті.
Бұл жетістік Қазақ ұлттық қыздар педагогикалық университетінің студенттерінің шығармашылық әлеуеті мен ұжымдық жұмысының жоғары деңгейде екенін тағы да дәлелдеді.
«Көршінің қызы» командасын осы жеңісімен шын жүректен құттықтап, алдағы «Ұлттық Лига» ¼ финалында сәттілік тілейміз!
Бөлісу:
