Ғылым мен тәжірибенің жаңа көкжиегі
-
03 сәуір, 2025
![Ғылым мен тәжірибенің жаңа көкжиегі]()
Әлеуметтік-гуманитарлық ғылымдар және өнер, Жаратылыстану, Педагогика және психология, Физика, математика және цифрлық технологиялар, Филология институттарының 2 курс магистранттары 2025 жылдың 17-29 наурызы аралығында шетелдік және отандық жоғары оқу орындарында ғылыми тағылымдамадан өтіп, кәсіби біліктіліктерін арттырды.
Атап айтқанда, Түркия Республикасының Өмер Халисдемир университетінде, Хаджи Бекташ Вели және Гази университеттерінде, Польшаның Люблин технологиялық университетінде, Қырғыз Республикасының Ж.Баласағұн атындағы Қырғыз ұлттық университетінде, Өзбекстан Республикасының Мырза Ұлықбек атындағы Өзбекстан ұлттық университетінде, Низами атындағы Ташкент мемлекеттік педагогикалық университетінде ғылыми тағылымдамадан өтті.
Сонымен қатар олар отандық Л.Н. Гумилев атындағы Еуразия ұлттық университеті, І.Жансүгіров атындағы Жетісу университеті және Мемлекеттік тілді дамыту, Генетика және физиология ғылыми-зерттеу институттарында да біліктіліктерін жетілдірді.
Ғылыми тағылымдама барысында магистранттар шетелдік және отандық университеттердің зерттеу жұмыстарымен танысып, зертханаларда тәжірибелік зерттеулер жүргізіп, олардың нәтижелерін алды.
Бұл тәжірибе магистранттардың ғылыми дамуында, кәсіби өсуінде және халықаралық деңгейде танылуында маңызды рөл атқарды.
Бөлісу:
