Атырау қаласы «SARAYSHYQ» аймақтық физика-математика мектебі» өкілдерімен кездесу
-
02 сәуір, 2025
1 сәуір күні Қазақ ұлттық қыздар педагогикалық университетінде Атырау қаласындағы «SARAYSHYQ» аймақтық физика-математика мектебінің өкілдері келіп, 3,4 курс студенттеріне кездесу ұйымдастырды.
Кездесудің негізгі мақсаты – білім алушыларды педагогикалық қызметке дайындау, кәсіби тәжірибе алмасу және түлектерді жұмысқа орналастыру мүмкіндіктерін қарастыру.
Іс-шара барысында аталған білім ордасының өкілдері жаңадан ашылған мектептің инфрақұрылымы мен білім беру жүйесі туралы жан-жақты ақпарат беріп, жастарды кәсіби тәжірибеден өтуге және тұрақты жұмысқа орналасуға шақырды.
Білім алушылар өздерін толғандырған сұрақтарға толыққанды жауап алып, мектеп әкімшілігімен еркін пікір алмасуға мүмкіндік алды. Бұл олардың кәсіби бағдарын айқындап, жекеменшік мектептердегі кәсіби тәжірибе арқылы педагогикалық шеберліктерін дамыту мүмкіндіктерін түсінуге ықпал етті.
Бөлісу: