Определены победители Республиканской предметной олимпиады «Білім шыңы»
-
31 наурыз, 2025
![Определены победители Республиканской предметной олимпиады «Білім шыңы»]()
29 наурыз күні Қазақ ұлттық қыздар педагогикалық университетінде физика, математика және информатика пәндері бойынша 10-11 (12) сынып оқушыларына арналған «Білім шыңы» республикалық пәндік олимпиадасының ІІ кезеңі өткізілді.
Еліміздің орта білім беру ұйымдарының оқушылары қатысқан олимпиада екі кезең бойынша ұйымдастырылды. Алғашқы кезеңде қатысушылар аталған пәндер бойынша тест тапсырмаларын орындаса, екінші кезеңде олимпиадалық есептерді шығарып, білімдері мен дағдыларын сынап көрді.
Олимпиада қазақ және орыс тілдерінде өткізілді. Жүзден жүйрік шығып, жоғары білім деңгейін көрсеткен жеңімпаздарға І, ІІ, ІІІ дәрежелі дипломдар және Қазақ ұлттық қыздар педагогикалық университетінде оқу үшін жеңілдік беретін сертификаттар табысталды. Атап айтқанда: ІІІ орын – 30% жеңілдік, ІІ орын – 50% жеңілдік, І орын – 100% жеңілдік.
«Физика» пәні бойынша жеңімпаздар: ІІІ орын – Мұхаметқазы Арай Талғатқызы (Алматы қаласы, №123 Қожа Ахмет Яссауи мектеп-гимназиясы), ІІ орын – Пернебек Тоғжан Жандосқызы (Абай облысы, «Экономикалық лицей» КММ), І орын – Асылханова Зере Жанғазықызы (Алматы қаласы, №123 Қожа Ахмет Яссауи мектеп-гимназиясы).
«Математика» пәні бойынша жеңімпаздар: ІІІ орын – Мухит Ақжарқын Аділетқызы (Алматы облысы, Жамбыл ауданы, Тұрар Рысқұлов атындағы орта мектеп), ІІ орын – Амангелді Нұрсауле Ерланқызы (Жамбыл облысы, Меркі ауданы, №44 жалпы орта білім беретін мектеп-гимназиясы), І орын – Талғатқызы Гүлім (Алматы қаласы, Алатау ауданы, №210 мектеп-лицей).
«Информатика» пәні бойынша жеңімпаздар: ІІІ орын – Абжанова Аника Маратовна (Алматы қаласы, Бостандық ауданы, «Туран» лицейі), ІІ орын – Алихан Адия Абатқызы (Алматы қаласы, Әуезов ауданы, №175 «Жаңа Ғасыр» гимназиясы), І орын – Ержанқызы Мадина (Алматы қаласы, Алмалы ауданы, №24 лицей).
«Физика» пәні бойынша І орын иегері Зере Асылханова өз қуанышымен бөлісті: «Бүгінгі олимпиадада мен І орын алып, 100% грант ұтып алдым. Қуанышымда шек жоқ! Ата-анамды, ұстазымды да қуанттым. Қазақ ұлттық қыздар педагогикалық университетіне және жалпы ұйымдастырушыларға алғысым шексіз».
Жеңіске жеткен оқушыларды шын жүректен құттықтаймыз! Сіздерге үлкен жетістіктер мен сәтті жол тілейміз!
Бөлісу:
