QyzPU-да эвакуация кезіндегі іс-қимылдарды түсіндіру жұмыстары жүргізілді
-
04 маусым, 2024
![QyzPU-да эвакуация кезіндегі іс-қимылдарды түсіндіру жұмыстары жүргізілді]()
Қыздар университетінде сейсмикалық оқу-жаттығу өткізілді. Дабыл іске қосылған кезде студенттер мен қызметкерлер қауіпсіз жерге шықты. Төтенше жағдай кезіндегі және эвакуация кезіндегі іс-қимылдар түсіндірілді.
Эвакуация кезінде қызметкерлер мен студенттердің іс-қимылдарын есте сақтаңыз:
АҚ және ТҚ маманының барлық өкімдерін орындау. Әрбір қызметкер мен студент: өзінің жұмыс (оқу) орнынан ең жақын апаттық шығу жолын, эвакуациялау жолын, өз бөлімінің (оқу тобының) жиналатын орнын білуі тиіс. Эвакуацияны жариялау кезінде, егер мүмкін болса, электр қуатын, электр плитасын, кеңсе жабдықтарын өшіріңіз, тыныш, дүрбелеңсіз, нұсқағыш белгілерге сүйене отырып, шығатын жеріңізден жақын жерге барыңыз. Егер жағдайлар рұқсат етсе, жеке заттарыңызды өзіңізбен бірге алыңыз, бірақ оларды іздеуге уақыт жұмсамаңыз. Көшеге шыққаннан кейін ғимараттан қауіпсіз қашықтыққа барыңыз.
- Қауіпсіздікті қамтамасыз еткеннен кейін, бөлімді (оқу тобын) эвакуациялау кезінде жинау орнына барыңыз. Егер қандай да бір себептермен өзіңіздің бөлімшеңіздің жиналу орнына бару мүмкін болмаса, басшыңызға басқа жолмен хабарлаңыз.
- Жиналу орнына келгенде, сіз бірінші кезекте басшыңызға көрінуіңіз керек. Басшылықтың нұсқауларын орындаңыз.
- Көмекті қажет ететін адамдарға медициналық және психологиялық көмек көрсетуге қатысыңыз. Өзіңіздің басшыңыздан жұмыс орныңызға бару туралы бұйрық алған кезде жайлап, сығылыс жасамай өз орныңызға барыңыз.
Сақ болыңыздар!
Бөлісу:
