Тәуелсіздік – баға жетпес байлығым
-
12 желтоқсан, 2024
![Тәуелсіздік – баға жетпес байлығым]()
Бүгін еліміздің ең маңызды күндерінің бірі – Тәуелсіздік күніне арналған «Тәуелсіздік – баға жетпес байлығым» атты салтанатты шара өтті. Шара патриоттық рухты күшейтіп, еліміздің дамуына ерекше үлес қосып жүрген тұлғаларды құрметтеу мен марапаттауға арналды.
Іс-шарада Қазақ ұлттық қыздар педагогикалық университеті Ғылым және жоғары білім министрлігі жетекшілік ететін coursera-ның Қазақстандық білім беру жүйесін жетілдіру жөніндегі Ұлттық Стратегиялық бастамасы аясында инновациялар мен цифрландыруды енгізгені үшін олардың оқытудағы тамаша үлгерімін және Қазақстан 93 университеттері арасындағы үздік 3-ке кіріп жоғары рейтингті иеленгені үшін жетістік сертификатымен марапатталды. Сондай-ақ білім саласын дамыту жолында қол жеткен табыстары және оған қосқан үлесі үшін Кәсіптік білім беру колледжінің бірқатар оқытушыларына Қазақстан Республикасы Оқу-ағарту министрлігінің Алғыс хаты берілсе, әкімшілік-басқару үрдісін қамтамасыз етуші қызметкерлерге Университеттің дамуына қосқан үлесі үшін төсбелгісі табысталды.
Бұл құрмет – ерен еңбектің лайықты бағасы. Себебі марапатталған әр тұлға өз ісіне деген жауапкершілігі арқылы ел дамуының тірегі болып, тәуелсіз Қазақстанның жарқын болашағын қалыптастыруда аянбай еңбек етуде.
Бөлісу:
