QyzPU-да Республикалық оқу-әдістемелік семинар өтті
-
11 желтоқсан, 2024
![QyzPU-да Республикалық оқу-әдістемелік семинар өтті]()
QyzPU-да Әлеуметтік-гуманитарлық ғылымдар және өнер институтының кәсіптік білім кафедрасы «Заманауи оқыту технологиясы және оны іске асыру механизмі» атты Республикалық оқу – әдістемелік семинар ұйымдастырды.
Мақсаты – заманауи оқыту технологияларын шығармашылық серпіліс механизмінде жүзеге асыру, дарынды жастардың жетістіктері негізінде жеке тұлғаны қалыптастыру және дамыту, сондай-ақ өнер арқылы тұрақты даму мақсаттарын алға жылжытуға үлес қосу.
Семинарға Алматы қаласының сегіз ауданынан және Алматы облысынан келген 70-тен астам «Көркем еңбек», «Бейнелеу өнері» пән мұғалімдері, сондай-ақ кәсіби колледждердің пән оқытушылары мен оқу шеберлері қатысты.
Іс-шара барысында «Көркем еңбек және технология пәндерін оқытудағы инновациялық тәсілдері», «Көркемдеп кестелеу технологиясының ұлттық құндылықтары», «Мамандық таңдау - болашақты таңдау» сында тақырыптарда баяндамалар оқылды.
Ғылыми кітапхана директоры Өтегенова Әсем Мұхтарқызы семинар қонақтарына «Кітапхана – ғылым мен білім ордасы» баяндама жасап, университеттің ғылыми кітапхана ғимаратының заманауи қызмет түрлерімен таныстырып, білім алушылар мен ұстаздардың ғылыми ізденушіліктері жоғары екендігін айтты.
Семинар соңында спикерлерге Алғыс хат, ал қатысушыларға сертификаттар табысталды.
Бөлісу:
