Tanys bol, Ruhtas!
-
10 желтоқсан, 2024
![Tanys bol, Ruhtas!]()
Қазақ ұлттық қыздар педагогикалық университетінде «Жастар Рухы» Жастар Қанаты ұйымының ұйымдастыруымен «Tanys bol, Ruhtas!» атты концерттік бағдарлама өтті.
Іс-шараға Университетіміздің Жастар Саясаты орталығы мен студенттік ректораты, «Жастар Рухы» Жастар қанатының Алматы қалалық филиалы және Орталық аудандық филиалы, бірнеше университеттің белсенді студенттері қатысты. Мұндағы мақсат – жастар арасында достық пен ынтымақтастықты нығайту.
Концерттік бағдарлама ресми және бейресми екі бөлімнен тұрды. Ресми бөлімде «Таза Қазақстан» экологиялық акциясы аясында ұйымдастырылған road-эстафетасына белсене қатысқан еріктілер Аманат партиясының атқарушы хатшысы Дәулет Кәрібектің атынан Алғыс хаттармен марапатталды. Сонымен қатар Халықаралық еріктілер күніне орай үздік еріктілерге Алматы қалалық «Жастар Рухы» Жастар Қанаты филиалының төрағасы Әкежан Бақытұлы арнайы Алғыс хаттар мен сыйлықтар табыстады.
Бейресми бөлімде талантты жастар өз өнерін паш етті. Әншілер әннен шашу шашып, бишілер мың бұрала би биледі. Домбыраның күмбірлеген үні мен халық әндерінің әуезді орындалуы кешке ерекше рух берді.
Бұл концерттік шара студенттер арасында достық пен ынтымақтастықтың тамаша үлгісін көрсетті. Жастардың өзара сыйластығы мен ұйымшылдығы іс-шараның жоғары деңгейде өтуіне ықпал етті.
Мұндай бағдарламалар қазақтың мәдениетін дәріптеп қана қоймай, болашақ ұрпақтың санасына рухани байлықты сіңіруге, белсенді жастардың бірлігі мен ынтымақтастығын арттыруға жол ашады.
Бөлісу:
