QYZPU-ДА СТУДЕНТТЕР АРАСЫНДА ХАКАТОН БАСТАЛДЫ
-
07 желтоқсан, 2024
![QYZPU-ДА СТУДЕНТТЕР АРАСЫНДА ХАКАТОН БАСТАЛДЫ]()
Бүгін Қазақ ұлттық қыздар педагогикалық университетінің студенттері мен әзірлеушілері арасында шығармашылықты, инновацияларды және ынтымақтастықты дамытуға бағытталған «ХАКАТОН» басталды.
Биылғы жылғы тақырып: «Tech QyzPu Niğde Hack: 24 сағат кодтау және шығармашылық» — технологиялық дағдыларды дамытуға және жаңашылдар қауымдастығын құруға деген ұмтылысты көрсетеді.
Айта кетейік, «Хакатонға» 13 университеттен 21 команда қатысады. Жеңімпаздарға келесі марапаттар беріледі: І орын – Қаржылай сертификат және Түркиядағы Нийде технопаркінің акселерациялық бағдарламасына қатысу сертификаты; ІІ және ІІІ орын – Қаржылай сертификаттар.
Іс-шара Нийде Өмер Халисдемир университеті (Түркия) және Нийде технопаркімен серіктестікте, университеттер арасындағы екі жақты келісім негізінде ұйымдастырылып, академиялық және технологиялық ынтымақтастық арқылы байланысты нығайтады.
«Бүгін «Хакатон» басталып кетті. Ертең қорытындысын жасаймыз. Мұндағы мақсат – білім саласындағы проблемалық жағдайларды шешу, ұсыныстар айту. Жасалған жобаларды өзіміз қолданып, басқа да университеттерге таратамыз»,-деді Ғылыми жұмыс және халықаралық ынтымақтастық жөніндегі проректор Джумакулов Закир Даниярұлы.
«Хакатонның» соңында командалар өз жобаларын QyzPU, Нийде Өмер Халисдемир университеті және Нийде технопаркінің өкілдерінен тұратын қазылар алқасына ұсынады. Жеңімпаздар құнды сыйлықтармен және инновациялық шешімдері үшін алғыспен марапатталады.
Баршаңызға сәттілік тілейміз!
Бөлісу:
