«Өнерлі химиктердің өрендері» атты байқау өтті
-
05 желтоқсан, 2024
![«Өнерлі химиктердің өрендері» атты байқау өтті]()
4 желтоқсан күні Қазақ ұлттық қыздар педагогикалық университетінде 1 курс студенттері арасында «Өнерлі химиктердің өрендері» атты байқау өтті.
Байқау барысында «Химия-Педагогика», «Химия-Ғылыми», «Химия-Биология» мамандықтарының студенттері өзара бақ сынасты.
Бұл іс-шараны өткізудегі мақсат – студенттердің химия пәнінен алған білімдерін тереңдету және олардың шығармашылық қабілеттерін дамыту.
Сайыс барысында қыздар күрделі есептерді шешіп, білімдерін шыңдай түсті. Сонымен қатар өнерлерін ортаға салып, көрермендерді тәнті етті.
«Бүгінгі кеш жоғары деңгейде өтті. Өнерлі студенттерімізден алдағы уақытта мықты маман шығарына сенімім мол»,-деді химия ғылымдарының кондиданты, аға оқытушы Назгүл Оразымбетова.
Кештің соңында қатысушылар ұйымдастырушы Азимбаева Гүлбайра Ералиевнаға өз алғыстарын айтты. Студенттердің химия саласындағы білімдерін тереңдетіп, шығармашылық қабілеттерін дамытуға зор ықпал еткен бұл байқаудың маңызы айрықша болды.
Бөлісу:
