Халықаралық конкурста QyzPU студенті үздік деп танылды
-
26 қараша, 2024
![Халықаралық конкурста QyzPU студенті үздік деп танылды]()
Астана қаласындағы ҚР Ұлттық музейінде «Түркі халықтарының үздік студенті» атты халықаралық конкурс өтті.
Бұл байқаудың басты мақсаты – дарынды студенттер арасында байланыс орнату.
Байқауға ғылым, өнер және спорт саласында жоғары нәтижелерге қол жеткізген студенттер қатысты. Олар Қырғызстан, Түркіменстан, Өзбекстан, Әзербайжан, Түркия сынды түркітілдес елдерден және Қазақстанның түрлі жоғары оқу орындарынан жиналды.
Конкурсының І кезеңінде, 100-ден аса өтінімдердің арасында Қазақ ұлттық қыздар педагогикалық университетінің «Арнайы педагогика» білім беру бағдарламасының 3 курс студенті Абай Ұлбала үздік деп танылып, І дәрежелі дипломға ие болды. Сонымен қатар «Түркі халықтарының үздік студенті» төсбелгісі, куәлігі және кубогымен марапатталды. Ал жетекшісі Шотыбаева Лаура Абылқасымқызына алғыс хат табысталды.
Студентімізді жетістігімен құттықтай отырып, алдағы жұмыстарына сәттілік тілейміз!
Бөлісу:
