«Startup Tomiris» инновациялық жобалар конкурсының жеңімпарздары анықталды
-
20 қараша, 2024
![«Startup Tomiris» инновациялық жобалар конкурсының жеңімпарздары анықталды]()
19 қараша күні Қазақ ұлттық қыздар педагогикалық университетінде Demoday «Startup Tomiris» конкурсы өтті.
Байқауда 13 команда өзара бақ сынасып, 10 миллион теңгені сарапқа салды.
«Бұл конкурс Университет басшылығымен 2 жыл қатарынан осындай үлкен көлемде өткізіліп отыр. Мұнда әр жоба қандайда бір мәселені шешуге бағытталған. Біз өз тарапымыздан студенттерге барынша қолдау көрсетуге дайынбыз»,-деді Ғылыми жұмыс және халықаралық ынтымақтастық жөніндегі проректор Джумакулов Закир Даниярұлы.
Сайыста студенттер қандайда бір мәселені шешуге бағытталған өздерінің креативті жобаларын ұсынды. Питчинг қорытындысы бойынша 6 команда жеңімпаз деп танылды. Атап айтсақ, «IQ» және «Ashina» командалары – III орын, «Сыр Шырағы» және «CLW» team» командалары – II орын, ал «OTTEGI» командасы I орынды иеленді.
Байқауда бас жүлдені жеңіп алған «Информатика және робототехника» білім беру бағдарламасының 3 курс студенттері Иманова Әмина мен Булкунбек Динара өз қуаныштарын жеткізді.
«Бүгін біз бас жүлдені жеңіп алдық. Қуанышымызда шек жоқ! Ұйымдастырушыларға айтар алғысымыз шексіз»,-деді жеңімпаздар.
Айта кетейік, «Startup Tomiris» конкурсында «OTTEGI» командасы «Өсімдіктерді автоматты суғару жүйесі» тақырыбында жоба қорғады. Оларға «Информатика» кафедрасының аға оқытушысы Базаева Жұлдыз Болатхановна жетекшілік етті.
Барша жеңімпаздарды шын жүректен құттықтаймыз!
Бөлісу:
