Yessenov University делегациясы QyzPU-ға ресми сапармен келді
-
12 қараша, 2024
![Yessenov University делегациясы QyzPU-ға ресми сапармен келді]()
2024 жылы 12 қарашада Қазақ ұлттық қыздар университетіне Yessenov University делегациясы ресми сапармен келді. Делегация құрамында Президент-ректор Берік Бақытжанұлы Ахметов, Білім беру факультетінің деканы Алтынай Ибрагимқызы Мамбетова, Туризм және тілдер факультетінің деканы Нұрсаулет Қонарбайқызы Айтбаева, Ғылым және зерттеу басқармасының басшысы Сырлыбекқызы Самал болды.
Кездесу барысында Басқарма Төрағасы-Ректор Гүлмира Қанай университеттің жетістіктерін таныстырып, академиялық және ғылыми жұмыстар жөніндегі проректорлар басым бағыттар мен алдағы жоспарларымен бөлісті.
Тараптар ынтымақтастық перспективаларын, оның ішінде бірлескен білім беру бағдарламаларын әзірлеу мен дипломдық жобаны дайындауға арналған «Lesson Study» әдісін енгізу мәселелерін талқылады.
Сонымен қатар делегация Маңғыстау өңірінде сұранысқа ие және білім беру саласында жоғары білікті басқарушыларды даярлауға бағытталған «Білім берудегі менеджмент және көшбасшылық» магистрлік бағдарламасына ерекше қызығушылық танытты.
Бөлісу:
