QyzPU студенттері – XVI Республикалық пәндік олимпиада жүлдегерлері
-
31 қазан, 2024
![QyzPU студенттері – XVI Республикалық пәндік олимпиада жүлдегерлері]()
Абай атындағы Қазақ ұлттық педагогикалық университетінде Жаратылыстану және география факультетінің ұйымдастыруымен жоғары оқу орын студенттері арасында «География педагогтерін даярлау» білім беру бағдарламасының XVI Республикалық пәндік олимпиадасы өтті.
Олимпиаданың мақсаты - «География педагогтерін даярлау» білім беру бағдарламаларының топтары бойынша дарынды студенттердің шығармашылық әлеуетін анықтап, қолдау және тұлғалық интеллектуалдық капиталын қалыптастыруға ықпал ету. Сондай-ақ жастардың ғылыми-зерттеу қызметіне қызығушылығын арттырып, заманауи ғылыми мәселелерді шешуге ынталандыру.
Жарысқа Қазақ ұлттық қыздар педагогикалық университеті, География кафедрасының 4 курс студенті Мұхтарова Айжан, 2 курс студенті Жолдасбай Айдана қатысты. Командаға География кафедрасының аға оқытушысы Киясова Лаззат Шомуқызы жетекшілік етті.
Олимпиада қорытындысы бойынша Қазақ ұлттық қыздар педагогикалық университеті, География кафедрасының 4 курс студенті Мұхтарова Айжан жеке есепте ІІ орынды иеленіп, дипломмен марапатталды.
Студенттерге олимпиадаға қатысқандары үшін сертификаттар беріліп, команда жетекшісі Киясова Лаззат Шомуқызына Алғыс хат табысталды.
Студенттерімізді шын жүректен құттықтаймыз!
Бөлісу:
