Президент QyzPU профессоры Валентина Жұмағұлованы «Құрмет» орденімен марапаттады
-
24 қазан, 2024
![Президент QyzPU профессоры Валентина Жұмағұлованы «Құрмет» орденімен марапаттады]()
Республика күні қарсаңында Қазақстан Республикасының Президенті Қасым-Жомарт Кемелұлы Тоқаев филология ғылымдарының докторы, Қазақ ұлттық қыздар педагогикалық университетінің орыс тілі мен әдебиеті кафедрасының профессоры Жұмағұлова Валентина Ивановнаны «Құрмет» орденімен марапаттады.
Валентина Ивановна Жұмағұлова – белгілі тіл маманы, Қазақстанның бұқаралық ақпарат құралдарының тілін зерттеуші, Халықаралық Жоғары мектеп Ғылым академиясының академигі, Қазақстан Республикасының еңбек сіңірген қайраткері, ҚР Білім беру ісінің құрметті қызметкері, Қазақстан Журналистер одағы сыйлығының лауреаты.
Ғылыми ізденістерінің нәтижелері монографияларда, оқулықтарда, сөздіктерде және теориялық, практикалық мәні бар көптеген ғылыми мақалаларда практикалық түрде жүзеге асырылды. 200-ден астам ғылыми еңбектің авторы. Профессордың еңбектері ғылымның дамуына әсер етіп, жас зерттеушілерді білім мен шешімдерді іздеуге шабыттандырады.
Валентина Ивановнаға берілген бұл марапат – тіл маманының ел болашағына қосқан өлшеусіз үлесі мен Қазақстанның білім беру жүйесіне сіңірген еңбегінің лайықты бағасы.
Бүгінде өзінің ғылыми мектебін қалыптастырып, білікті шәкірттер тәрбиелеп жүрген профессор Валентина Ивановна Жұмағұлованы шын жүректен құттықтаймыз! Зор денсаулық, жақындарыңызға амандық, қажымас күш-қайрат тілейміз! Еңбегіңіз жемісті, мерейіңіз үстем болсын!
Бөлісу:
