QyzPU студенттері жүлдемен оралды
-
25 сәуір, 2024
![QyzPU студенттері жүлдемен оралды]()
2024 жылы Астана қаласында Narikbaev University-де "Психология" пәні бойынша республикалық олимпиада өтті.
Жарысқа Қазақ ұлттық қыздар педагогикалық университетінің "Психология" білім беру бағдарламасы бойынша 3 курс студенттері: Бекмуха Манура, Ақтаубек Інжумаржан және Советқанова Еркежан қатысып, жүлделі 3 орынды иеленді. Олимпиадаға Қазақстанның әртүрлі жоғары оқу орындарының студенттері қатысып, психология саласындағы өз білімдерін, шығармашылық қабілеттерін және аналитикалық дағдыларын сынады. Біздің студенттер бәсекеге қабілеттілік танытып, жоғары нәтижеге қол жеткізді.
Студенттерді дайындаған ғылыми жетекші – педагогика ғылымдарының магистрі, «психология» кафедрасының тәжірибелі маманы Уакасова М.Б. Оның жетекшілігімен қатысушылар күрделі теориялық сұрақтар мен практикалық тапсырмаларды сәтті орындап шықты. Бұл жүлде Қазақ ұлттық қыздар педагогикалық университетінің студенттерінің жоғары академиялық және кәсіби дайындығының айқын дәлелі..
Осы жетістік студенттердің психология саласындағы теориялық білімдерін тәжірибеде тиімді пайдалана алатынын және олардың ғылыми-зерттеу жұмыстарындағы әлеуетін көрсетеді. Бұл жеңіс олардың болашақ маман ретінде қалыптасуына қосымша ынталандыру беріп, жаңа биіктерге жетуге ұмтылдырады.
Бөлісу:
