Сельджук университетінің профессорлары QyzPU-да ғылыми семинарлар өткізеді
-
19 қыркүйек, 2024
![Сельджук университетінің профессорлары QyzPU-да ғылыми семинарлар өткізеді]()
Қазақ ұлттық қыздар педагогикалық университетіне Сельджук университетінің доктор профессорлары Мустафа Демиржи және Хасан Бахар (Prof. Dr. Mustafa Demirci, Prof. Dr. Hasan Bahar) арнайы келді.
Visiting Professors бағдарламасы аясында келген қонақтардың негізгі мақсаты — Тарих кафедрасының профессор-оқытушы құрамымен бірлескен «Қазақстан мен Түркияның тарих оқулықтарын салыстыру: мәселелері, шешімдері мен ұсыныстары» атты ғылыми жобасына басшылық жасап, өз дерекқорларымен бөлісіп, ғылыми жұмыстар мен зерттеулерге кеңінен қолдау көрсету. Ғылыми жұмыстар мен кездесулер 9 қыркүйек пен 10 қазан аралығында жүргізіледі.
Бұл жоба аясында Тарих кафедрасының профессор-оқытушы құрамымен Scopus базасына енген журналдарға мақала жариялауды жүзеге асыру көзделіп отыр. Сонымен қоса, профессорлар профессор-оқытушы құрамы мен білім алушыларға арналған ғылыми семинарлар өткізеді.
Бөлісу:
