Қазақ ұлттық қыздар педагогикалық университетінде БАҚ өкілдеріне арналған баспасөз туры өтті
-
19 қыркүйек, 2024
![Қазақ ұлттық қыздар педагогикалық университетінде БАҚ өкілдеріне арналған баспасөз туры өтті]()
Жаңа оқу корпусының берілуі – QyzPU үшін тарихи оқиға. Бұл туралы университет ректорының міндетін атқарушы Еркін Дүсіпов БАҚ өкілдерімен кездесуде айтты.
2024 жылдың 18 қыркүйегінде Журналистерге жоғары оқу орнының ғимаратында тур өткізіліп, зертханалар, мұражай, арт галерея таныстырылды. Бас корпустан кейін университеттің жаңа корпусына тур жасалды. 80 жылдық тарихы бар Қазақ ұлттық қыздар педагогикалық университетінің 1986 жылдан бері алғаш рет Алматы қаласының орталығында оқу ғимаратына ие болды..
Баспасөз туры барысында журналистерге QyzPU ректорының міндетін атқарушы Еркін Дүсіпов оқу орнының жетістіктері мен даму преспективалары туралы ақпарат берді. Проректор қонақтарды заманауи білім беру алаңдарымен, сондай-ақ университетте білім беру процесіне енгізіліп жатқан заманауи әдістермен таныстырып, алға қойған жоспарлармен бөлісті. «80 жылдық мерейтой қарсаңында Қазақ ұлттық қыздар педагогикалық университетіне жаңа оқу корпусының берілуі QyzPU ұжымы үшін тарихи оқиға болды.
Жаңа ғимарат университетке шілде айынан бастап заңды түрде пайдалануға берілді. Қазіргі таңда үшінші, төртінші, алтыншы қабаттарда хореография, педагогика, психология, тарих, қазақ тілі мен әдебиеті мамандықтары бойынша оқу жүріп жатыр. Болашақта магистранттар мен докторанаттарды да осы ғимаратта оқытуды жоспарлап отырмыз. Білім ордасында жалпы саны 12005 студент бар. Биыл 1 курсқа 5000-ға жуық студентті қабылдадық. Білім алушыларға жағдай жасау – біздің міндетіміз», – деді QyzPU ректорының міндетін атқарушы Еркін Дүсіпов. Мемлекеттен берілген оқу ғимаратының ауданы 12 000 шаршы метрден асады. Алдағы уақытта жаңа корпусқа тағы да заманауи құрал-жабдықтар алынбақ.
"Биология мұғалімдерін даярлау" мамандығының 2 курс студенті Айдана Өмірзақ жаңа ғимаратқа көшкендегі әсерімен бөлісті. «Жаңа ғимаратқа көшкенімізге өте қуаныштымын. Үйіме жақын жерде орналасқандықтан, сабаққа келу де оңай. Іші жарық, кең әрі әдемі. Ұстаздар ұстаханасына айналған қарашаңырақта оқитынымды мақтан тұтамын», - дейді студент.
Бөлісу:
