• Басты бет
• Жаңалықтар

QyzPU Webometrics әлемдік рейтингінде жоғары позицияларға көтерілді

• 05 тамыз, 2024
  
  

  Қазақ ұлттық қыздар педагогикалық университеті Webometrics рейтингінің жаңа деректеріне сәйкес қазақстандық жоғары оқу орындары арасында 17-ші, әлем бойынша 6911-ші орында.

  Webometrics рейтингі ЖОО цифрлануын, ақпарат көздерінің ашықтығын жылына екі мәрте бағалайды. Университет веб-сайттарының мазмұны мен танымалдылығын бағалай отырып, университеттердің интернет кеңістігіндегі үдерісін талдайды. Webometrics рейтингіне әлемнің түкпір-түкпірінен 31 606 университет, оның ішінде Қазақстаннан 124 жоғары оқу орны қатысты. 

  Қыздар университеті 2024 жылдың ақпан айында Қазақстан Республикасы бойынша 58 орында ал әлемде 20505 орында болды. Бұл салыстырмалы түрде көрсеткіштердің әлдеқайда көтерілгенін дәлелдейді. Сайтты оңтайландырудан, жаңа беттерді әзірлеуден және сайт мазмұнын толықтырудан кейін жаңа көрсеткіштер бойынша қазақстандық жоғары оқу орындары арасында 41 позицияға, ал әлем бойынша 13594 позицияға алға жылжыды.

  Қазақ ұлттық қыздар педагогикалық университеті еліміз бойынша және халықаралық деңгейде өз жұмысын белсенді арттыра отырып, сенімді түрде алға жылжып келеді.

   

   

  Бөлісу: