Грант конкурсына құжат қабылдау аяқталды
-
25 шілде, 2024
![Грант конкурсына құжат қабылдау аяқталды]()
QyzPU қабылдау комиссиясына 13 шілде мен 24 шілде аралығында грант конкурсына 2129 талапкер оффлайн түрде өтініш қалдырды. Оның ішінде 184 "Алтын белгі" иегері, 404 үздік аттестат және диплом иегерлері құжат тапсырды.
Сонымен қатар, Қазақстан бойынша грант конкурсына QyzPU-ды 6970 талапкер бірінші болып белгілеген. Талапкерлеріміздің таңдауы бойынша білім беру бағдарламалары арасында В003 – Бастауышта оқыту педагогикасы мен әдістемесі, В009 – Математика мұғалімдерін даярлау, В016 – Қазақ тілі мен әдебиеті мұғалімдерін даярлау, В018 – Шет тілі мұғалімдерін даярлау бағдарламалары көш бастап тұр.
Ақылы бөлімге құжат қабылдау әлі де жалғасып жатыр.
Ұстаздар ұстаханасына айналған қара шаңырағымыз заманауи технологияларды меңгерген, бәсекеге қабілетті, білімді мамандарды даярлауға бар күш-жігерін салады. Қазақ ұлттық қыздар педагогикалық университетін таңдаған талапкерлерге алғыс айтамыз.
Сіздер үшін есігіміз әрдайым ашық!
Бөлісу:
