QyzPU-да Алматы онкологиялық орталығы мамандарымен кездесу өтті
-
05 сәуір, 2024
![QyzPU-да Алматы онкологиялық орталығы мамандарымен кездесу өтті]()
Университеттің Стратегиялық даму және әлеуметтік жұмыс жөніндегі проректоры Жанар Рысбекова шараның ашылуында қыздың денсаулығы бүкіл қоғамның әл-ауқатына әсер ететін қоғамдық денсаулық сақтауда маңызды рөл атқаратынын атап өтті.
Алматы онкологиялық орталығы бас дәрігерінің орынбасары Төрешева Әлия Орынбекқызы әйелдер арасында онкологиялық аурулардың алдын алу мен ерте кезде анықтаудың маңыздылығын атап өтті. Дәрігер онкологиялық аурулармен күресудің тиімді шараларын іске асыруды қолдау және қоғамдағы әйелдердің денсаулық деңгейін арттыру жөніндегі жұмыс туралы айтып берді.
Ғылым докторы Райхан Өлмесханқызы Болатбекова өз баяндамасында жатыр мойны обырының алдын алу бойынша жүйелі шаралардың маңыздылығын атап өтіп, бұл ауру әйелдер өлімінің негізгі себептерінің бірі болып табылатынын атап өтті. Ал докторант Сақтағанов Мұратжан Исаұлы әйелдер денсаулығының маңызды аспектісі болып табылатын және жүйелі көзқарас пен әрі қарай зерттеуді қажет ететін сүт безіндегі ауырсынуды диагностикалау, емдеу мәселесіне назар аударды.
Әйелдер денсаулығының маңыздылығы туралы білімді талқылау және тарату болашақта көптеген мәселелердің алдын алуға көмектесетініне сенімдіміз. Қоғамдағы әйелдердің денсаулығын сақтауға және жақсартуға ұмтылайық!
Бөлісу:
