Қытай мен АҚШ-қа кеткен QYZPU студенттері жағдайлары туралы айтып берді
-
21 қыркүйек, 2023
![Қытай мен АҚШ-қа кеткен QYZPU студенттері жағдайлары туралы айтып берді]()
Бір ай бұрын Қытай мен АҚШ-қа оқуға кеткен Қазақ ұлттық қыздар педагогикалық университетінің студенттері шет елдегі оқу барысы мен хал-жағдайлары туралы хабар берді. Академиялық ұтқырлық жөніндегі үйлестіруші Зарина Пошайдың айтуынша, студенттер аман-есен орналасып, оқуларын жақсы көңіл-күймен жалғастыруда.
Естеріңізге салсақ, тамыз айының соңында QYZPU арнайы бағдарлама аясында Хубэй университетіне шет тілі: екі шет тілі мамандығының 10 студентін, ал АҚШ-тағы Миссисипи Алқабының мемлекеттік университетіне физика мамандығының 3 курс студенті Орынбаева Қарақатты жіберген болатын.
Сондай-ақ қазіргі кезде Литвадағы Вильнюс университетінде шет тілі: екі шет тілі мамандығының 2 курс магистранты Сулу Аралбаева оқып жатыр.
Студенттер шетелде жарты жыл уақыт оқитын болады.
Бөлісу:
