• Басты бет
• Жаңалықтар

QYZPU биыл 3 мыңға жуық білім алушыны қабылдады

• 01 қыркүйек, 2023
  
  

  Бұл туралы ректор Гүлмира Қанай профессор–оқытушылар құрамын Білім күнімен құттықтау салтанатты шарасында мәлімдеді. Атап айтқанда, бакалавриат, докторантура, магистратура деңгейлері бойынша 2918 білім алушы QYZPU-ға түскен.

  Оның 400-і ғана ақылы оқу бөлімінде, ал қалғаны барлығы мемлекеттік грант иегерлері.Ерекше атап өтетін жағдай, университет қабырғасынан ашылған кәсіби білім беру колледжіне биыл ҚР Оқу–ағарту министрілігі тарапынан 100 грант бөлінді. Сондай-ақ QYZPU мен С.Д. Асфендияров атындағы қазақ ұлттық медицина университетімен бірлескен «Клиникалық психология» мамандығы бойынша қос диплом бағдарламасы бірінші жыл енгізіліп, талапкерлер қабылданды.

   Тағы атап өтерлік жайт, биыл химия мамандығын таңдаған білім алушылар көп. Былтыр тек 292 қыз осы пәннің мұғалімі болуды қаласа, биыл 378 студентке артты. 
  Салтанатты шара барысында ректор Гүлмира Қанай ұжымды Білім күні және Конституция күнімен құттықтап, сондай-ақ жаңа оқу жылында университет контингентін қалыптастыруға зор үлес қосқан қабылдау комиссиясын алғыс хатпен марапаттады.

                                                                                                                                                    МЕДИА     

                                                                                                                                                         

                                                                               

                                                                               

                                                                              

                                                                              

                                                                             

                                                                             

   

  Бөлісу: