Университетте «Мектепке жол» акциясы өтті
-
29 тамыз, 2023
![Университетте «Мектепке жол» акциясы өтті]()
Қазақ ұлттық қыздар педагогикалық университетінде «Мектепке жол» республикалық акциясы аясында іс-шара ұйымдастырылды. Аталмыш акцияға университет қызметкерлерінің мектеп табалдырығын аттағалы отырған балалары қатысты.
Басқарма Төрағасы – Ректор Гүлмира Қанай «Білім күні» қарсаңында 1-сынып оқушыларын құттықтай отырып: — «Алғашқы қадамдарың берекелі болып, тәуелсіз елімізді гүлдендірер елжанды азаматтары мен азаматшалары болып өсе беріңдер! Оқуда озат болып, ата-аналарыңның үмітін ақтар ақылды ұл-қыз болыңдар. Қадамдарыңа гүл бітсін. Талаптарыңа нұр жаусын!» - деп өзінің бүлдіршіндерге және ата-аналарына жүрекжарды тілегін білдірді.
Сөз соңында университетіміздің кәсіподақ ұйымының қолдауымен бүлдіршіндерге сый-сыяпаттар табысталды.
Бөлісу:
