ҚР Ғылым және жоғары білім министрі Саясат Нұрбек Қазақ ұлттық қыздар педагогикалық университетінің студенттер үйінің жаңа оқу жылына дайындығын тексерді
-
26 тамыз, 2023
![ҚР Ғылым және жоғары білім министрі Саясат Нұрбек Қазақ ұлттық қыздар педагогикалық университетінің студенттер үйінің жаңа оқу жылына дайындығын тексерді]()
2023 жылдың 26 тамызында Қазақстан Республикасының Ғылым және жоғары білім министрі Саясат Нұрбек Алматы қаласына сапары барысында Қазақ ұлттық қыздар педагогикалық университетінде болып, университет жатақханаларының жаңа оқу жылының басталуына дайындығын тексерді.
Кездесу барысында Басқарма Төрағасы - Ректор Гүлмира Қанай Министрді университеттің бүгінгі тыныс-тіршілігімен таныстырып, ҚазҰлтҚызПУ-дың инфрақұрылымын дамытудың алдағы жоспарларымен бөлісті.
Министр медициналық орталықты, білім алушылардың демалыс бөлмелерін, компьютерлік залдар мен жатақханалардың кір жуатын орындарын қарап шықты. Жүргізіліп жатқан жұмыстармен танысқан Министр студенттердің жатақханалардағы орындармен қамтамасыз етілуінің маңыздылығын атап өтіп, университетте болып жатқан ағымдағы жөндеу жұмыстарын жеделдетуге шақырды.
Қазіргі уақытта ЖОО-да 7 студенттер үйі бар. Оларда білім алушылардың қауіпсіз және жайлы тұруы үшін барлық жағдай жасалған. Министр еліміздің білім беру жүйесін дамытуда шешуші рөл атқаратын жоғары білікті кадрларды даярлаудағы Қазақ ұлттық қыздар педагогикалық университетінің маңыздылығын атап өтті.
МЕДИА
Бөлісу:
