Университет қызметкерлері Германияның ғылыми орталығында біліктіліктерін арттыруда
-
01 тамыз, 2023
![Университет қызметкерлері Германияның ғылыми орталығында біліктіліктерін арттыруда]()
"Қазақ ұлттық қыздар педагогикалық университеті" КЕАҚ проректоры мен құрылымдық бөлімшелерінің басшылары Германиядағы халықаралық білім және ғылыми ақпарат орталығында «Басқару психологиясы және ұйымдардың менеджменті атты біліктілікті арттыру курсынан өтеді.
Халықаралық білім және ғылыми ақпарат орталығы - Interkulturelle Weiterbildungsgesellschaft e.V. - 1998 жылы Дуйсбург университетінің базасында құрылған. 11 жылдан астам уақыт бойы менеджерлерге, жас ғалымдарға, сонымен қатар білім, экономика және құқықтану саласындағы түрлі сарапшыларға арналған бағдарламаларды жүзеге асырып келеді.
Біліктілікті арттыру шеңберінде тыңдаушылар келесі авторлық бағдарламаларды зерделейді:
Кадрлық менеджмент технологиясындағы жаңашылдық;
Қазіргі еңбек нарығының негізгі сипаттамалары және олардың қызметкерлермен жұмыс істеуге әсері;
Неміс персоналды басқару моделі;
Ағылшын-американдық трансұлттық компаниялардың персоналды басқару моделіне қысқаша шолу;
Персоналды басқарудың өзекті тұжырымдамалары;
Дамыған персонал дәуірінің тұзақтары;
Ішкі бәсекелестік. Моббинг. Карьералық өзімшілдік. Ұтқырлық.
Қызметкерлерді басқару стилі ретінде корпоративтік коучинг.Сонымен қатар, Дюссельдорф және Кельн қалаларындағы экономика және менеджмент жоғары мектебінің профессоры Оливер Плацекпен, германистика және психология магистрі, инклюзивті білім беру бойынша маман Ольга Ганзермен кездесулер өткізілді.
МЕДИА
Бөлісу:
